देवदह । देवदहमा क्रियाशिल पत्रकार र लेखकहरुले महामारी नियन्त्रणमा गम्भीर हुन अनुरोध गर्दै एक अपिल जारी गरेका छन । देवदह नगरपालिका र उक्त नगरपालिकाभित्र सक्रिय राजनीतिक दललाई कोभिड महामारीमा एकताबद्द भएर काम गर्न अनुरोध गर्दै उक्त अपिल जारी गरिएको हो ।
देवदहमा क्रियाशिल ५१ जना लेखक तथा पत्रकारको नाम समाबेश गरिएको उक्त अपिलमा बिरामीलाई अस्पतालसम्म पुर्याउन एम्बुलेन्सको अभाव देखिएकोले त्यसको व्यवस्थापन गर्न र होम आइसोलेसनमा संक्रमित राख्दा रोग सर्ने संम्भावना उच्च देखिएकाले अस्थायी आइसोलेसन निर्माण गरेर सबै संक्रमितलाई स्वास्थ्यकर्मीको प्रत्यक्ष निगरानीमा राख्न अनुरोध गरिएको छ ।
त्यसैगरी लामो लकडाउनका कारण श्रमजीवी बर्गलाई बेलैमा राहत उपलब्ध गराउन नसकिए रोग संगै भोकको पिडाले ज्यान गुमाउने नागरिकको संख्या समेत थपिने उल्लेख गर्दै नगरपालिकाले त्यसतर्फ ध्यान दिन लेखक र पत्रकारहरुले अनुरोध गरेका छन् ।
अपिलमा महामारी नियन्त्रण र राहत वितरणका लागि एकीकृत योजना ल्याउन अनुरोध गर्दै त्यसका लागि आफुहरु सहयोग गर्न प्रतिवद्द रहेको समेत जनाइएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
