देवदह । देवदह नगरपालिकामा संक्रमितको संख्यामा दिनानुदिन वृद्धि हुन थालेपछि नगरपालिकाभित्र कोरोनाको हटस्पट बनेको वडा नं. ७ मा पुर्ण निषेधाज्ञा गर्ने निर्णय नगरपालिकाले गरेको छ । देवदह नगरपालिकाले सोमबार (आज) बाट पाँच दिनको लागि पुर्ण निषेधाज्ञा लगाउने निर्णय गरेको हो ।
देवदहको मुख्य बजार क्षेत्र खैरेनी र शितलनगर समेत पर्ने वडा नं. ७ मा हालसम्म १४७ बढी संक्रमित रहेको बताउँदै वडा अध्यक्ष पदम थापाले वडावासीलाई थप सचेत हुन र एक घरबाट अर्को घर नडुल्न अनुरोध गरे । सेतोमसीसंग कुरा गर्दै अध्यक्ष थापाले विवाह लगायतका सामाजिक एवं धार्मिक कार्यहरु समेत तत्काललाई रोक्नै पर्ने अवस्था आएको बताए ।
हालसम्म देवदह - ७ मा कोरोनाको कारण मृत्यु हुनेको संख्या ५ पुगेको र आइतबार मात्रै एकैदिन ३ जनाको मृत्यु भएको वडा कार्यालयले जनाएको छ ।
पुर्ण निषेधाज्ञाकै क्रममा पनि देवदह -७ को बाटो हुँदै लामो दुरिमा जाने ढुवानी र अत्यावश्यक काममा हिड्ने सवारीहरु र विरामी बोकेका गाडिलाई भने कुनै अवरोध नगरिने वडा कार्यालयले जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
