काठमाडौं । अख्तियार दुरुपयोग अनुसन्धान आयोगले धनुषाको धनौजी गाउँपालिकाका तत्कालीन प्रमुख प्रशासकीय अधिकृत गौरीशंकर मण्डलसहित पाँच जना तथा दुई सञ्चार संस्थाविरुद्ध ३ लाख ८० हजार रुपैयाँ भ्रष्टाचारको आरोपमा विशेष अदालतमा आरोपपत्र दायर गरेको छ ।
आयोगका अनुसार आर्थिक वर्ष २०७७/७८ मा डिप बोरिङ, कोल्डस्टोरको कम्पाउन्ड वाल र विद्यालय भवन निर्माणसम्बन्धी योजनाको बोलपत्र सूचना राष्ट्रिय दैनिकमा प्रकाशन गर्नुपर्नेमा सूचना लुकाई तथा फरक विवरण भएको पत्रिका प्रयोग गरी सार्वजनिक खरिद प्रक्रिया अपारदर्शी बनाइएको थियो ।
यस प्रकरणमा तत्कालीन प्रमुख प्रशासकीय अधिकृत मण्डल र सहलेखापाल विनोदकुमार मण्डललाई मुख्य कसुरदारका रूपमा ३ लाख ८० हजार रुपैयाँ बिगो कायम गरी कैद, जरिवाना र बिगो असुलउपरको मागदाबी गरिएको छ ।
त्यस्तै, जनकपुर टुडे मिडिया ग्रुप प्रालि, अमृत मिडिया प्रालि तथा संलग्न व्यक्तिहरूलाई गैरकानुनी लाभ प्राप्त गर्ने कार्यमा मतियार भएको आरोप लगाइएको छ । आयोगले उनीहरूविरुद्ध पनि मुख्य कसुरदारसरह सजाय र बिगो असुलउपरको मागदाबी गरेको जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology