काठमाडौँ । काठमाडौँ महानगरपालिकाले विभिन्न निकाय तथा व्यक्तिलाई पठाउने पत्र, प्रतिवेदन, निमन्त्रणा, प्रमाणपत्र र पार्सललगायत हुलाक वस्तु अब हुलाकमार्फत पठाउने भएको छ ।
महानगरपालिकाले गोश्वारा हुलाक कार्यालय डिल्लीबजारसँग सम्झौता गरी यो सेवा सुरु गर्न लागेको हो । प्रशासन विभागका प्रमुख महेश काफ्ले र गोश्वारा हुलाक कार्यालयका प्रमुख हुलाक अधिकृत ढालबहादुर जिसीले सम्झौतामा हस्ताक्षर गरेका छन् ।
सम्झौताअनुसार महानगर क्षेत्रभित्र अत्यावश्यक हुलाक वस्तुका लागि उही दिन सेवा उपलब्ध हुनेछ । दुई किलोग्रामसम्मका वस्तुका लागि रजिस्ट्री सेवा तथा आवश्यकताअनुसार द्रुत हुलाक र पार्सल सेवा प्रयोग गरिनेछ ।
रजिस्ट्री तथा पार्सल अर्को दिन वितरण गर्ने व्यवस्था गरिएको छ । अन्य जिल्लामा भने प्रचलित हुलाक सेवाको तालिकाअनुसार वितरण हुनेछ । सम्झौता एक वर्षका लागि गरिएको महानगरपालिकाले जनाएको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)