बुटवल । नेपाल प्रेस युनियन रुपन्देहीको नयाँ नेतृत्व चयन भएको छ । सोमबार र मंगलबार सम्पन्न अधिवेशनबाट सभापतिमा कल्पना तिवारी निर्वाचित भएकी छन् । उनले अध्यक्ष पदका प्रतिस्पर्धी दीपक घिमिरेलाई पराजित गर्दै युनियनको नेतृत्व सम्हालेकी हुन् ।
सचिव पदमा रामप्रसाद भण्डारी निर्वाचित भएका छन् । सचिवका प्रतिस्पर्धी प्रदीप आचार्यलाई पराजित गर्दै भण्डारी निर्वाचित भएको यूनियनले जनाएको छ ।
अधिवेशनबाट उपाध्यक्षमा रमेश अर्याल, सीता गौतम बराल र तिलक सुवेदी निर्वाचित भएका छन् । त्यस्तै सहसचिवमा बसन्तराज बराल र श्रृष्टी अधिकारी तथा कोषाध्यक्षमा कल्पना शर्मा निर्वाचित भएका छन् ।
सदस्यमा सन्तकुमार श्रेष्ठ, ज्ञानकुमारी विक र नवीन रानालगायत निर्वाचित भएका छन् ।
सभापति र सचिवाबाहेक अन्य पदाधिकारी तथा सदस्यहरू भने सर्वसम्मत रूपमा चयन भएका हुन् ।
अधिवेशनले केन्द्र तथा प्रदेश प्रतिनिधिहरूसमेत सर्वसम्मत चयन गरेको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)