भेनेजुएलाको भूकम्पमा स्पेनका २ नागरिकको मृत्यु, ८० सम्पर्कविहीन

सेतोमसी
आषाढ १२, २०८३ शुक्रवार

भेनेजुएलाको भूकम्पमा स्पेनका २ नागरिकको मृत्यु, ८० सम्पर्कविहीन

अ +
अ
अ -

काठमाडौँ । भेनेजुएलामा आएको विनाशकारी भूकम्पमा परी स्पेनका दुई नागरिकको मृत्यु भएको छ । स्पेनको विदेश मन्त्रालयले विज्ञप्ति जारी गर्दै दुवैको मृत्यु भएको पुष्टि गरेको हो ।

मन्त्रालयले जारी गरेको वक्तव्यमा मृतकहरूको परिवारले उनीहरूको पहिचान गरिसकेको उल्लेख गर्दै शोकसन्तप्त परिवारप्रति गहिरो समवेदना व्यक्त गरेको छ ।

त्यसैगरी, भूकम्पपछि स्पेनका ८० नागरिक अझै सम्पर्कविहीन रहेको मन्त्रालयले जनाएको छ । उनीहरूको खोजी कार्य जारी रहेको र सम्बन्धित निकायले अवस्थाको निरन्तर अनुगमन गरिरहेको पनि विज्ञप्तिमा उल्लेख गरिएको छ ।

भूकम्प प्रभावित क्षेत्रमा उद्धार तथा राहत कार्य तीव्र पारिएको छ । विभिन्न देशका नागरिकहरू प्रभावित भएकाले सम्बन्धित मुलुकहरूले आफ्ना नागरिकको खोजी, उद्धार र सुरक्षित स्थानान्तरणका लागि स्थानीय अधिकारीहरूसँग समन्वय गरिरहेका छन् ।