देवदह । देवदहमा संचालित रिक्सा चालकहरूले निकालेको ध्यानाकर्षण र्‍यालीमा नगरप्रमुखका उम्मेदवारहरूले सम्बोधन गरेका छन् । शनिबार बिहान आयोजित र्‍यालीलाई सम्बोधन गर्दै मेयर पदका प्रत्यासीहरूले रिक्सा।व्यवसायीहरू माग पूरा गर्ने प्रतिबद्धता जनाएका हुन् ।

र्‍यालीलाई सम्बोधन गर्दै नेपाली कांग्रेस र नेकपा माओवादीकेन्द्रको गठबन्धनबाट मेयरको उम्मेदवार रहेका हिरा बहादुर खत्रीले रिक्सा व्यवसायीले नागरिकलाई घरघरमै सेवा दिएको उल्लेख गरे । रिक्सा व्यवसायलाई थप सम्मानित र व्यवस्थित गर्न यस अघि पनि नगरपालिकाले केहि कार्यविधी बनाएको उल्लेख गर्दै निवर्तमान मेयर समेत रहेका खत्रीले उक्त व्यवसायलाई थप व्यवस्थित गर्न रुट परमिट, भाडा दर तय र पार्किङ लगायतका काम गर्न अझै बाँकी रहेको र आफू विजयी भएपछि व्यवसायीका पदाधिकारीसंगको सहमतिमा उक्त काम गरिने बताउँदै उनीहरूला माग पूरा गर्न प्रतिबद्धता जनाएका थिए   ।

त्यसैगरी सोहि र्‍यालीलाई सम्बोधन गर्दै नेकपा एमालेबाट मेयर पदका उम्मेदवार ध्रुब प्रसाद खरेलले रिक्सा व्यवसायलाई व्यवस्थित गर्न आफू प्रतिबद्ध भएको जनाएका थिए । रिक्सा व्यवसायले सयौंलाई रोजगारी र हजारौं नागरिकलाई सेवा दिएको उल्लेख गर्दै उनले रिक्सा चालकका मागमा आफ्नो समर्थन रहेको बताएका थिए ।

त्यसैगरी राष्ट्रिय प्रजातन्त्र पार्टीबाट मेयर पदका उम्मेदवार माधव रिमालले रिक्सा व्यवसायले विदेश पलायनलाई रोकेर देशमै गरिखाने बाताबरण सिर्जना गरेको भन्दै आफू सधैं रिक्सा व्यवसायीको साथमा रहने उल्लेख गरेका थिए ।

त्यसैगरी रिक्सा व्यवसायीसंघका नेतासमेत रहेका उपमेयर पदका स्वतन्त्र उम्मेदवारले आफू जितेपनि हारेपनि रिक्सा व्यवसायी र मजदुर कै पक्षमा रहेको बताएका थिए ।

करिब १०० को हाराहारीमा रिक्सा चालकले रिक्सा र्‍याली गर्दै देवदहको शितलनगरबाट खैरेनीसम्म पुगेर कोणसभामा परिणत भएको थियो ।