काठमाडौँ । गृह मन्त्रालयले रोल्पाको थवाङ गाउँपालिका–१ मा भएको जीप दुर्घटनाको छानबिन गर्न समिति गठन गरेको छ ।
विहिबार मन्त्रालयले सचिवस्तरको निर्णयाबाट लुम्बिनी प्रदेश प्रहरी कार्यालय तुलसीपुरका प्रहरी उपरीक्षक यादव ढकालको संयोजकत्वमा चार सदस्यीय समिति गठन गरेको जनाएको हो ।
छानबिन समितिमा जिल्ला प्रहरी कार्यालय रोल्पाका प्रहरी नायब उपरीक्षक, सशस्त्र प्रहरी बल रोल्पाका सशस्त्र प्रहरी नायब उपरीक्षक र जिल्ला प्रशासन कार्यालय रोल्पाका प्रशासकीय अधिकृत सदस्य रहेको गृह मन्त्रालयका सूचना अधिकारी रमा आचार्य सुवेदीले जानकारी दिएकी छन् ।
समितिलाई घटनाको सत्यतथ्य अध्ययन गरी तीन दिनभित्र प्रतिवेदन पेस गर्ने जिम्मेवारी दिइएको छ । समितिलाई दुर्घटनाको कारण तथा लापरबाही र कमजोरी पत्ता लगाई तथा आगामी दिनमा दुर्घटना न्यूनीकरणका लागि चाल्नुपर्ने कदमबारे सुझाव दिने कार्यादेश दिइएको छ ।
रुकुम पूर्वबाट रोल्पाको जलजलातर्फ जाँदै गरेको जीप विहिबार अपराह्न सडकबाट करिब आठ सय मिटर तल खस्दा २० जनाको मृत्यु भएको थियो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology
