वुमेन्स च्यालेन्ज ट्रफी: आज नेपालको सामना अमेरिकासँग

सेतोमसी
बैशाख १३, २०८३ आइतवार

वुमेन्स च्यालेन्ज ट्रफी: आज नेपालको सामना अमेरिकासँग

अ +
अ
अ -

काठमाडौं । जारी आईसीसी वुमेन्स च्यालेन्ज ट्रफीमा आज नेपालले आज अमेरिकासँग खेल्दैछ । आज यो खेल नेपाली समय अनुसार दिउसो ४: ४५ बजेदेखि शुरु हुदैछ ।

यसअघि खेलेका ४ खेलमा नेपालले २ जित र २ हार बेहोरेको छ । नेपालले अमेरिका र भानुआटुसँग हार बेहोरेको थियो भने इटाली र रुवाण्डालाई पराजित गरेको थियो । त्यस्तै अमेरिकाले खेलेका ४ खेलमा ३ खेल जितेको छ भने के खेलमा हार बेहोरेको छ । अमेरिकाले इटाली, नेपाल र भानुआटुलाई पराजित गरेको थियो भने रुवाण्डासँग पराजित भएको थियो ।

यो प्रतियोगिता खेल्ने नेपाली टिममा इन्दु बर्मा (कप्तान), पुजा महतो (उपकप्तान), रुबिना क्षेत्री, बिन्दु रावल, मनिषा उपाध्याय, सम्झना खड्का, रुवि पोद्दार, कविता जोशी, कविता कुँवर, रिया शर्मा, रोमा थापा, सुमन विष्ट, अनु कडायत र रचना चौधरी रहेका छन् । त्यस्तै नेपाली टिमको मुख्य प्रशिक्षक हर्षल पाठक रहेका छन् ।

रुवाण्डा क्रिकेट संघले आयोजना गर्ने पहिलो आइसीसी महिला च्यालेन्ज ट्रफी अप्रिल १८ देखि मे २ सम्म हुदैछ । यस प्रतियोगितामा प्रतिस्पर्धा गर्ने टोलीहरूमा अमेरिका क्षेत्रबाट संयुक्त राज्य अमेरिका, एसियाबाट नेपाल, युरोपेली क्षेत्रबाट इटाली, पूर्वी एसिया-प्रशान्त क्षेत्रबाट भानुआटु र अफ्रिकाबाट आयोजक रुवान्डा रहेका छन् ।

नेपालले अर्को खेल अप्रिल २८ मा रुवाण्डासँग, अप्रिल ३० मा भानुआटुसँग र मे १ मा इटालीसँग खेल्ने तालिका रहेको छ ।