कोरोना भाइरस

देशैभरका अस्पतालमा बेडको अभाव, स्वास्थ्य प्रणालीले थेग्नै नसक्ने अबस्था

अशोक गौतम 'क्षितिज'
बैशाख १७, २०७८ शुक्रवार

देशैभरका अस्पतालमा बेडको अभाव, स्वास्थ्य प्रणालीले थेग्नै नसक्ने अबस्था

अ +
अ
अ -

१७ बैशाख बुटवल- स्वास्थ्य तथा जनसंख्या मन्त्रालयले कोरोना भाइरसको संक्रमण बढ्दै जाँदा स्वास्थ्य प्रणालीले थेग्न नसक्ने अवस्था आएको बताउदै सबै जनालाइ संबेदनसिल हुन अपिल गरेको छ ।

मन्त्रालयले कोरोनाका संक्रमित दिनप्रतिदिन बढ्दै गइरहेको र अस्पतालहरुमा बिरामीको चाप बढेकाले
उनिहरुलाइ अस्पतालमा राखेर हेरचाह गर्न र बेड उपलब्ध गराउन नसकिने अवस्था भइसकेको भन्दै आम जनतालाई थप संवेदनशील हुन आग्रह गरेको छ । यस्तै संक्रमणको रोकथामका लागि जनस्वास्थ्यका मापदण्डहरु मास्क लगाउने, भौतिक दूरी कायम गर्ने, बेलाबेलामा सावुन पानीले हात धुने वा स्यानिटाइजरको प्रयोग गर्ने कार्य गर्न समेत अपिल गरिएको छ ।

मन्त्रालयका सहप्रवक्ता डा. समिरकुमार अधिकारीले आज जारी गरेको विज्ञप्तिमा कोरोना बाट अति प्रभावित जिल्लाहरु मोरङ, सुनसरी, झापा, पर्सा, बारा, धनुषा, काठमाडौँ, भक्तपुर, ललितपुर, चितवन, मकवानपुर, काभ्रे, कास्की, दाङ, बाँके, रुपन्देही, पाल्पा, बर्दिया, कपिलवस्तु, सुर्खेत, कैलाली र कञ्चनपुरमा संक्रमण दर डरलाग्दो गरी बढिरहेको उल्लेख छ ।

कुनै पनि मार्ग बाट देश-बिदेश जाने आउने तथा आन्तरिक र बाह्य पर्यटकका लागि कहिँ कतै जाने कामहरु पुर्णरुपमा नगर्नु नगराउनुहुन र कुनै पनि सार्बजनिक स्थलहरुमा भिडभाड नगर्नुहुन पनि विज्ञप्तिमा भनिएको छ ।