प्रगति सामुदायिक वनमा चुनाव हुने, को-को छन् आकांक्षी ? कसरी हुन्छ निर्वाचन ?

सेतोमसी
फाल्गुण २७, २०७८ शुक्रवार

प्रगति सामुदायिक वनमा चुनाव हुने, को-को छन् आकांक्षी ? कसरी हुन्छ निर्वाचन ?

अ +
अ
अ -

देवदह । देवदह ९ घोडाहास्थित प्रगति सामुदायिक वन उपभोक्ता समुहको चौथो अधिवेशनबाट सर्वसम्मत नेतृत्व चयनको सहमति हुन नसके पछि निर्वाचन हुने भएको छ।

निर्वाचन मण्डलले सहमतिका लागि बिहीवार बिहान ८ बजेसम्मको समय दिएको थियो। सो अवधीभित्र सहमति नभए पछि नेतृत्व चयनका लागि निर्वाचन हुन लागेको हो।

यसरी हुनेछ निर्वाचन

देवदह नगरपालिकाको वडा नं.९ मा फैलिएको प्रगति सामुदायिक वनका उपभोक्ता समूह ५ समूहमा विभाजित छन् । नेतृत्व चयन प्रक्रियामा हरेक समुहबाट ३-३ जना गरि १५ जना चुनिने छन् । यदि पदाधिकारी सर्वसम्मतबाट चुनिन सकेनन् भने पुनः पदाधिकारीको लागि निर्वाचन हुनेछ । विधान अनुसार सहमति नभए पदाधिकारीको लागि पुनः सबै उपभोक्ताले प्रत्यक्ष मतदान गर्नुपर्ने छ ।

४७५ जना उपभोक्ता रहेको उक्त वनको नेतृत्वको लागि निवर्तमान अध्यक्ष चमाकान्त गौडेल, वरिष्ठ उपाध्यक्ष पुर्ण प्रसाद पौडेल, दुर्गा बहादुर राना र ईश्वरी घिमिरे अध्यक्षका आकांक्षी रहेका छन् ।

स्रोतका अनुसार प्रगति सामुदायिक वनमा पनि देवदहका अन्य सामाजिक संघसंस्थामै झै राजनीति रुपमा दुई प्यानल खडा भएर चुनावी मैदानमा जाने देखिएको छ ।

वडा तहको नेतृत्व चयन प्रक्रियाका लागि चैत्र १ गते निर्वाचन हुने बताइएको छ। वडा तहको निर्वाचन सकिईसकेपछी पदाधिकारीको लागि पुनः निर्वाचन हुनेछ ।