बलिवुड फिल्म 'घुसखोर पण्डित' विरुद्ध एफआईआर दर्ता

सेतोमसी
माघ २३, २०८२ शुक्रवार

बलिवुड फिल्म 'घुसखोर पण्डित' विरुद्ध एफआईआर दर्ता

अ +
अ
अ -

काठमाडौँ । बलिवुड फिल्म 'घुसखोर पण्डित' का निर्देशक र टोलीविरुद्ध एफआईआर दर्ता गरिएको छ । लखनऊ प्रहरीले फिल्मविरुद्ध एफआईआर दर्ता भएको जानकारी दिएको भारतीय मिडियाहरुले उल्लेख गरेका छन् ।

प्रेस नोटमा फिल्मलाई जातीय अपमान, सामाजिक आक्रोश र शान्ति भंग गर्ने प्रयासको आरोप लगाइएको छ ।

फिल्मको शीर्षक र सामग्रीलाई लिएर ब्राह्मण समुदाय र धेरै सामाजिक संस्थाहरूमा व्यापक आक्रोश रहेको छ । संस्थाहरूले यसको विरुद्ध हिंसात्मक विरोध गर्ने चेतावनी पनि दिएका छन् ।

फिल्म निर्माता, निर्देशक नीरज पाण्डेले पनि आफ्नो फिल्म घुसखोर पण्डितमा आधिकारिक बयान जारी गरेका छन्।

उनले भनेका छन्- 'हाम्रो फिल्म एक काल्पनिक पुलिस ड्रामा हो र 'पंडित' शब्द केवल काल्पनिक पात्रको बोलचाल नामको रूपमा प्रयोग गरिएको छ । कथा एक व्यक्तिको कार्य र निर्णयमा केन्द्रित छ र कुनै पनि जाति, धर्म वा समुदायमा टिप्पणी वा प्रतिनिधित्व गर्दैन । हामीलाई थाहा छ कि फिल्मको शीर्षकले केही दर्शकहरूलाई अपमान गरेको छ, र हामी ती भावनाहरू बुझ्छौं । यी चिन्ताहरूलाई ध्यानमा राख्दै, हामीले अहिलेको लागि सबै प्रचार सामग्रीहरू हटाउने निर्णय गरेका छौं किनकि हामी विश्वास गर्छौं कि फिल्मलाई केही टुक्राहरूबाट न्याय गर्नुको सट्टा हामीले भन्न खोजेको कथाको सन्दर्भमा पूर्ण रूपमा बुझ्नुपर्छ ।'

घुसखोर पण्डित' मा मनोज बाजपेयीले मुख्य भूमिका निर्वाह गरेका छन् । त्यस्तै यस फिल्ममा नुश्रत भरुच्चा, दिव्या दत्ता, श्रद्ध दास, किकु शारदा र साकिब सलीमले पनि महत्त्वपूर्ण भूमिका खेलेका छन् ।