निर्वाचन केन्द्रीत हुँदै काँग्रेस, रुपन्देहीका सवै वडामा पार्टी कार्यालय स्थापना गरीने

सेतोमसी
फाल्गुण २, २०७८ सोमवार

निर्वाचन केन्द्रीत हुँदै काँग्रेस, रुपन्देहीका सवै वडामा पार्टी कार्यालय स्थापना गरीने

अ +
अ
अ -

भैरहवा । संघीय सरकारले स्थानीय तहको निर्वाचन गर्ने घोषणा गरेसगैं नेपाली काँग्रेस रुपन्देही निर्वाचन गतिविधिमा केन्द्रीत भएको छ । जिल्ला कार्यसमितिको बैठक सम्पन्न गर्दै कांग्रेसले उम्मेदवार छनौटमा तथा प्रचार प्रसारका कामलाई प्रभावकारी बनाउन कार्यविभाजन गरेको हो ।

यसैक्रममा नेपाली काँग्रेसका केन्द्रीय सदस्य अब्दुल रज्जाकको आतीथ्यतामा पार्टी कार्यालय भैरहवामा सोमवार बसेको जिल्ला कार्यासमितिको बैठकले सवै बडामा पार्टी बडा कार्यालय स्थापना गर्ने तथा टोल समीती गठन गर्ने निर्णय गरेको छ ।

फागुन मासन्त भित्र जिल्लाका १ सय ५५ बटै बडामा पार्टीका बडा कार्यालय स्थापना गर्ने र सवै टोलमा पार्टीका टोल समीती गठन गर्ने निर्णय भएको नेपाली काँग्रेस रुपन्देहीका सभापति रामकृष्ण खाँणले जानकारी दिए ।

त्यस्तै पार्टीका गतीविधि अनुगमन गर्नकोलागी उपसभापति अनीता शाहको सयोंजकत्वमा अध्ययन समिति समेत गठन गरीएको छ । उक्त समीतीमा प्रध्यापक, शिक्षक, वकील तथा पत्रकार समेत रहने कांग्रेसले जनाएको छ ।

उक्त समितिले स्थानीय तहकालागी आकांक्षी र लोकप्रीय उम्मेदवारहरुको बारेमा समेत अध्यन गर्ने काँग्रेस रुपन्देहीका सचिव हरि काफ्लेले बताए ।

पार्टीले आगामी फागुन २२ मा सहीद यादवनाथ आलोक र रामप्रशाद चौधरीको स्मृतीमा रुपन्देही क्षेत्र नं १ को सुरज पुरामा स्मृतीसभा एवं सहिद परिवार सम्मान कार्यक्रम समेत गर्ने भएको छ ।