बलिउड

रणवीर सिंहको 'धुरन्धर' बक्स अफिसमा आक्रामक : नौ दिनमा तीन सय करोड क्लबमा

एजेन्सी
मंसिर २८, २०८२ आइतवार

रणवीर सिंहको 'धुरन्धर' बक्स अफिसमा आक्रामक : नौ दिनमा तीन सय करोड क्लबमा

अ +
अ
अ -

काठमाडौँ । बलिवुड अभिनेता रणवीर सिंहको फिल्म 'धुरन्धर' को घरेलु बक्स अफिसमा शानदार कमाई जारी रहेको छ । फिल्मले घरेलु बक्स अफिसमा रिलिजको नवौं दिनमा ३०० करोडभन्दा बढी कमाएको छ ।

पहिलो सातामा भारतमा मात्र २१८ करोड भारु कमाई गरेको फिल्मले दोस्रो शुक्रवार र शनिवार शानदार कमाई गरेको हो । बलिवुड फिल्म विश्लेषक तरण आदर्शका अनुसार फिल्मले दोस्रो शुक्रवार ३४ करोड ७० लाख कमाएको थियो भने दोस्रो शनिवार ५३ करोड ७० लाख कमाएको छ । फिल्मले अहिलेसम्म घरेलु बक्स अफिसमा ३०६.४० करोड कमाएको छ ।

त्यस्तै फिल्मले भारत बाहिर पनि शानदार कमाई गरिरहेको छ । फिल्मले पहिलो साता विदेशी बक्स अफिसमा ७०.६० करोड भारु कमाएको छ ।

रणवीर सिंहको 'धुरन्धर' लाई वर्षको सबैभन्दा ठूलो फिल्म मानिएको छ । फिल्ममा रणवीर सिंहसहित संजय दत्त, अक्षय खन्ना, आर. माधवन, अर्जुन रामपाल, सारा अर्जुन र राकेश बेदीको प्रमुख भूमिका रहेको छ । फिल्मलाई आदित्य धरले निर्देशन गरेका हुन् भने फिल्ममा रणवीर सिंहको पनि लगानी रहेको छ ।

त्यस्तै यस फिल्मको डिजिटल अधिकार नेटफ्लिक्सले किनेको छ । आधिकारिक ओटीटी रिलीज मिति भने अझै घोषणा गरिएको छैन । यस फिल्मको लागत करिब २२० करोड भारु भएको बताइएको छ । जसमा फिल्मले सिनेमा हल बाहेक विभिन्न अधिकार बिक्री गरेर ११० करोड कमाई गरिसकेको छ ।