देवदह । रुपन्देहीको देवदहमा करेन्ट लागेर एक युवकको ज्यान गएको छ । देवदहको वडा नं ६ खैरेनी स्थित कृष्ण क्षेत्रीको घरमा झालर टाँग्ने क्रममा करेन्ट लागेर बुलिङ्टार-१, नवलपुर निवासी २९ बर्षिय देवबहादुर आलेको मृत्यु भएको देवदह प्रहरी चौकीका वरिष्ठ सई कवि सेन्चुरीले जानकारी दिए ।
क्षेत्रीको घरमा बिहेको लागि झालर टाग्न गएका आलेलाई बिहिवार विहान ११ः४५ मा घरमाथी रहेको ११ केभिएको विद्याुत लाईनको झट्का लागेको र अचेत अवस्थामा देवदह मेडिकल कलेज भलुही पुर्याएपनि उननलाई बचाउन नसकिएको अस्पतालले जनाएको छ । मेडिकल कलेजका डाक्टर पुष्पराज श्रेष्ठको टिमले करिव १ घन्टा कृतिम श्वास प्रश्वास र पम्पीड लगाएतका कार्यहरु गरेपनि सफल नभएको र २ बजे उनलाई मृत घोषित गरेको अस्पताल श्रोतले जनायो ।
यसअघि तिहारको बेला समेत झालर टाँग्ने क्रममा हाइटेन्सनको करेन्ट प्रवाह हुँदा क्षेत्रीको घरमा केही ईलेक्ट्रिक सामग्रिहरुमा क्षती पुगेको र खैरेनी क्षेत्रको विद्युत सट भएको देवदह व्यापार संघका उपाध्यक्ष हरिलाल भण्डारीले बताए ।
देवदह खैरेनीको हाइटेन्सन लाईनको तल धेरै घरहरु रहेको र ति घरमा काम गर्ने क्रममा यसअघि पनि विभिन्न समयमा करेन्ट लाग्ने गरेको स्थानीयले बताएका छन् ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)