बलिउड अभिनेत्री जरीन खानको ८१ वर्षको उमेरमा निधन

सेतोमसी
कार्तिक २१, २०८२ शुक्रवार

बलिउड अभिनेत्री जरीन खानको ८१ वर्षको उमेरमा निधन

अ +
अ
अ -

काठमाडौँ । बलिउड अभिनेत्री जरीन खानको ८१ वर्षको उमेरमा शुक्रबार निधन भएको छ । जरीन खान प्रसिद्ध अभिनेता संजय खानकी श्रीमती हुन् ।

जरीन खानको शुक्रबार बिहान मुम्बईको जुहूस्थित आफ्नै घरमा हृदयघातका कारण निधन भएको परिवारले जानकारी दिएको छ । विवाहअघि हिन्दू भएकी जरीन खानको हिन्दू रीतिरिवाज अनुसार दाहसंस्कार गरिएको बताइएको छ ।

मुम्बईको विले पार्लेस्थित हिन्दू श्मशानघाटमा जरीन खानको अन्त्येष्टिमा धेरै प्रमुख बलिउड स्टारहरू उपस्थित थिए । संजय खानसँग विवाह गर्नुअघि उनको नाम जरीन वर्तक थियो र उनले देव आनन्दको फिल्म तेरे घर के सामनेमा देव आनन्दको सचिवको भूमिका निर्वाह गरेकी थिइन् ।

जरीन खानले फिल्म एक फूल दो मालीमा पनि भूमिका निर्वाह गरेकी थिइन् । उनले आफ्नो सुरुवाती दिनहरूमा मोडलिङ पनि गरिन् र त्यसपछि अभिनयको दुनियाँमा प्रवेश गरेकी थिइन् । जरीन वर्तक र संजय खानको विवाह १९६६ मा भएको थियो ।

उनी अभिनेता जायद खान, सुजैन खान (ऋतिक रोशनकी पूर्व पत्नी) र डिजाइनर फराह अली खानकी आमा हुन् ।