जन्मदिनको अवसरमा शाहरुख खानका पुराना फिल्म पुन: रिलिज गरिदै

सेतोमसी
कार्तिक ८, २०८२ शनिवार

जन्मदिनको अवसरमा शाहरुख खानका पुराना फिल्म पुन: रिलिज गरिदै

अ +
अ
अ -

काठमाडौँ । बलिवुड अभिनेता शाहरुख खानको जन्मदिन नजिक आइरहदा उनका केहि उत्कृष्ट फिल्महरू थिएटरहरूमा पुन: रिलिज हुने भएका छन् ।

शाहरुखले नोभेम्बर २ मा आफ्नो ६०औं जन्मदिन मनाइरहेका छन् । शाहरुखले आफ्ना फिल्मह पुन: रिलिज हुन लागेको जानकारी दिएका हुन् ।

उनले भनेका छन् 'मेरा केही विगतका फिल्महरू थिएटरहरूमा फर्किरहेका छन् । तिनीहरूमा भएको मान्छे धेरै परिवर्तन भएको छैन, केवल उनको कपाल परिवर्तन भएको छ र म अलि सुन्दर भएको छु । शाहरुख खान फिल्म महोत्सव अक्टोबर ३१ मा सुरु हुँदैछ ! मेरा फिल्महरू भारत, मध्य पूर्व, उत्तरी अमेरिका, बेलायत, युरोप, न्यूजील्याण्ड र अष्ट्रेलियाभरिका चुनिएका थिएटरहरूमा प्रदर्शन गरिनेछ ।

'यी फिल्महरू महोत्सवको भागको रूपमा प्रदर्शन गरिने बताइएको छ । शाहरुख खान फिल्म फेस्टिभलले 'कभी हान कभी ना, दिल से, देवदास, मैं हुँ ना, ओम शान्ति ओम र "जवान लगायतका फिल्महरु थिएटरमा प्रदर्शन गर्न लागिएको छ ।

यो महोत्सव अक्टोबर ३१ मा सुरु हुनेछ भने ३० शहरका ७५ भन्दा बढी थिएटरहरूमा दुई हप्तासम्म चल्ने बताइएको छ । शाहरुख खान पछिल्लो पटक राजकुमार हिरानीको डंकीमा देखिएका थिए । उनी अब सिद्धार्थ आनन्दको 'किंग' मा देखिदैछन् ।

फिल्ममा शाहरुख खानकी छोरी सुहाना खान, अभय वर्मा, जयदीप अहलावत, अभिषेक बच्चन, ज्याकी श्राफ, र अन्य कलाकारहरूले अभिनय रहेको छ ।