सगरमाथा हेल्पिङ फाउन्डेसन बुटवलद्वारा डोल्पाका दश विद्यालयमा न्यानो कपडा वितरण

सेतोमसी
पौष १५, २०७८ बिहिवार

सगरमाथा हेल्पिङ फाउन्डेसन बुटवलद्वारा डोल्पाका दश विद्यालयमा न्यानो कपडा वितरण

अ +
अ
अ -

डोल्पा । चिसो मौसमलाई मध्यनजर गर्दै सगरमाथा हेल्पिङ फाउन्डेसन बुटवलले डोल्पाका करिब दस विद्यालयमा न्यानो कपडा वितरण गरेको छ ।

पुस ४ गते डोल्पाकाे लागि ९ सदस्यीय टोलि सहित बुटवलबाट हिँडेको टोलि डोल्पाका बाबिरो आधारभूत विद्यालय, कर्णाली आधारभूत विद्यालय, हिमालयन आधारभूत विद्यालय, महादेव आधारभूत विद्यालय , शुभकामना आधारभूत विद्यालय लगायत विद्यालयमा अध्ययन गर्ने बालबालिकालाई सुइटर, टोपी, मोजा बितरण गरेको हो ।

डोल्पा सदरमुकाम दुनै देखि करिब १२ घण्टा हिँडेर हूँ , दुर काँडा ताली लगायतका ठाउँमा टोलिले न्यानो कपडा बितरण गरि अभियान सफल बनाएको संस्थाका संस्थापक अध्यक्ष किशन ज्ञवाली जानकारी दिए ।

संस्था का संस्थापक अध्यक्ष किशन ज्ञवालीकाे नेत्रित्वमा खटिएको टोलीमा जनक केसी, एन्जिला भुसाल, प्रकृति न्यौपाने, राजन भण्डारी, श्रीधर कँडेल, समीर चन्द्र डाँगी, मनिष, बिमल लगायत रहेका थीए ।

बितरण कार्यक्रममा स्थानीय नाच पैसेरु देखाएको थीयो । समाजसेवी , बुद्धिजीवी, लगायत विद्यार्थीहरु को उपस्थितिमा कार्यक्रम सम्पन्न भएको आयोजकले जनाएका छन् ।

विकट ठाउँमा यस्तो अभियान आयोजना भएका कारण बिद्यार्थी र अभिभावक खुशी भएको बताउँछन् ।