आर्यन खानको निर्देशनमा बनेको सिरिज 'द ब्याड्स अफ बलिउड' रिलिज

सेतोमसी
आश्विन ४, २०८२ शनिवार

आर्यन खानको निर्देशनमा बनेको सिरिज 'द ब्याड्स अफ बलिउड' रिलिज

अ +
अ
अ -

काठमाडौँ । शाहरुख खानका छोरा आर्यन खानले निर्देशन गरेको सिरिज 'द ब्याड्स अफ बलिउड' रिलिज भएको छ । नेटफ्लिक्समा रिलिज भएको यो सिरिजमा लक्ष्य, बबी देओल, मनोज पाहवा, गौतमी कपुर र राघव जुयाल महत्वपूर्ण भूमिकामा रहेका छन् ।

द ब्याड्स अफ बलिउड सिरिजमा लक्ष्यले नायक आसमानको भूमिका निर्वाह गरेका छन् । बबी देओल ग्रे शेडको भूमिकामा देखिएका छन्, जसले नायकको प्रेमीको बुबाको भूमिका निर्वाह गर्छन् ।

सिरिजमा मोना सिंह, राघव जुयाल, गौतमी कपूर, मनोज पाहवा जस्ता कलाकारहरू पनि महत्त्वपूर्ण भूमिकामा रहेका छन् । द ब्याड्स अफ बलिउड गौरी खानले निर्माण गरेकी हुन् । यो सिरिजको कथा एक बाहिरी व्यक्ति बलिउडमा आएर हिरो बन्ने बारेमा रहेको छ ।

यस बाटोमा उसले धेरै कठिनाइहरूको सामना गर्छ । आर्यन खानले यो कथा बलिउड शैलीमा देखाएका छन् ।यसअघि मुम्बईमा गरिएको द ब्याड्स अफ बलिउडको प्रिमियरमा बलिवुडका लगभग सबै हस्तीहरुको उपस्थिति रहेको थियो ।