शिक्षकमाथि आक्रमण गर्ने विद्यार्थीलाई कलेजले निष्कासन

सेतोमसी
पौष ८, २०७८ बिहिवार

शिक्षकमाथि आक्रमण गर्ने विद्यार्थीलाई कलेजले निष्कासन

अ +
अ
अ -

रेशम अधिकारी । काठमाडौंको रत्नराज्य लक्ष्मी क्याम्पसमा मंगलवार आन्तरिक परीक्षामा चिट चोर्न नदिएको भन्दै शिक्षक कुटेका कुबेर जेठारालाई क्याम्पस निष्कासन गरिएको हो ।

बिहीबार रत्नराज्य क्याम्पसले विज्ञप्ति जारी गरि सो निर्णय गरेको हो । निर्णयपछि विरोधमा उत्रिएका प्राध्यापकहरुले आजै रात्रीसत्रदेखि नै पठनपाठन नियमित गर्ने विज्ञप्ति जारी गरेका छन् ।

काठमाडौंको रत्नराज्य बहुमुखी क्याम्पसमा मंगलवार आन्तरिक परीक्षामा चिट चोर्न नदिएको भन्दै निर्मम तरिकाले आफ्नै शिक्षक कुटेका थिए । मानविकी संकायअन्तर्गतका समाजिक कार्य विषयको प्रथम वर्षको आन्तरिक परीक्षा सञ्चालन भइरहेको समयमा चिट चोर्न नदिएको भन्दै विद्यार्थी कुवेर जेठाराले परीक्षा निरीक्षक प्रकाश पुडासैनीमाथि संघातिक हमाला गरेका थिए ।

ब्याचलर अफ आर्ट्स इन सोसल वर्क (बीएसडब्लु) को पहिलो वर्षका विद्यार्थीको आन्तरिक परीक्षा चलिरहेको बेलामा जबरजस्ती परीक्षा हलमा छिरेका जेठाराले बा समानका गुरुमाथि पानी पिउन राखिएको स्टिलको जग टाउकोमा बजारेपछि उक्त घटना भएको हो ।