वेइजिङ । युरोपेली संघ (ईयू) का परराष्ट्र मन्त्रीहरू शनिबार कोपेनहेगनमा बसेर हालै अमेरिकाले पिएलओ (प्यालेस्टाइन लिबरेसन अर्गनाइजेसन) र प्यालेस्टाइन अथॉरिटी (पीए) का अधिकारीहरूलाई प्रवेश भिसा नदिने निर्णय पुनर्विचार गर्न सर्वसम्मत रूपमा आग्रह गरेका छन् ।
अमेरिकी परराष्ट्र विभागले शुक्रबार जारी गरेको विज्ञप्तिमा भनिएको छ, "आगामी संयुक्त राष्ट्रसंघको महासभा अघि पिएलओ र प्यालेस्टाइन अथॉरिटीका सदस्यहरूको भिसा अस्वीकार वा रद्द गरिनेछ।" बैठकमा गाजाको बिग्रँदो मानवीय अवस्थाबारे पनि छलफल भएको थियो । तर, इस्रायलमाथि थप प्रतिबन्ध लगाउने विषयमा सहभागीहरू गहिरो रूपमा विभाजित देखिएका थिए ।
ईयूका परराष्ट्र नीतिका प्रमुख काया कलासले पत्रकार सम्मेलनमा सदस्य राष्ट्रहरू स्थिति गम्भीर भएकोमा सहमत भए पनि ठोस कदमबारे भने सर्वसम्मति नभएको बताइन् । बैठकका अध्यक्ष तथा डेनमार्कका परराष्ट्र मन्त्री लार्स लोक्के रासमुसेनले भने, धेरै सदस्य राष्ट्रहरूलाई लाग्न थालेको छ कि इस्रायलले बलियो दबाबबिना आफ्नो नीति परिवर्तन गर्ने सम्भावना कम छ ।
बैठकस्थल बाहिर प्रदर्शनकारीहरूले डेनमार्क र ईयूलाई गाजाको मानवीय सङ्कटबारे कडा कदम चाल्न माग गरेका थिए ।
(सिन्ह्वाको सहयोगमा)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)