काठमाडौँ । श्रीलंकाका पूर्व राष्ट्रपति रनिल विक्रमसिंघेलाई डिहाइड्रेसनको समस्या भएपछि अस्पतालको आईसीयूमा भर्ना गरिएको छ । सरकारी कोषको दुरुपयोग गरेको आरोपमा उनलाई शुक्रवार पक्राउ गरिएको थियो ।
उनको जमानत निवेदन खारेज गरिएको छ। विक्रमसिंघेको जमानत निवेदनमाथिको सुनुवाइको क्रममा उनका वकिलहरूले उनलाई गम्भीर मुटुको रोग, मधुमेह र उच्च रक्तचापबाट पीडित रहेको बताएका छन् ।
जमानत निवेदन अस्वीकार भएपछि, उनलाई पहिले जेल अस्पताल, त्यसपछि राजधानी कोलम्बोको अस्पताल लगिएको थियो र त्यसपछि आईसीयूमा सारिएको थियो।
विक्रमसिंघेमाथि २०२३ मा क्युबामा भएको जी७७ शिखर सम्मेलनबाट फर्कने क्रममा सरकारी खर्चमा आफ्नो व्यक्तिगत कामको लागि आफ्नी श्रीमतीसँग लन्डनमा बसेको आरोप छ ।
उनले आफूमाथि लगाइएका आरोपहरूलाई अस्वीकार गरेका छन् र लन्डनमा धेरै बैठकहरूमा भाग लिएको बताएका छन् ।
यसैबीच, विक्रमसिंघेको युनाइटेड नेशनल पार्टी (युएनपी) ले वर्तमान सरकारले उनलाई उनी फेरि सत्तामा फर्कने डरले जेल पठाएको आरोप लगाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
