पाकिस्तान भ्रमण

चीनका विदेश मन्त्री वाङ यीले पाकिस्तान भ्रमण गर्ने

सेतोमसी
भाद्र ३, २०८२ मंगलवार

चीनका विदेश मन्त्री वाङ यीले पाकिस्तान भ्रमण गर्ने

अ +
अ
अ -

काठमाडौं । चीनका विदेश मन्त्री वाङ यीले पाकिस्तान भ्रमण गर्ने भएका छन् । मंगलबार पत्रकार भएको सम्मेलनमा विदेश मन्त्रालयका प्रवक्ता माओ निङले अगस्त २० देखि २२ सम्म पाकिस्तान भ्रमण गर्ने जानकारी दिएकी हुन् ।

वाङ यी, जो चीनको कम्युनिस्ट पार्टी केन्द्रीय समितिको पोलिटब्यूरो सदस्य पनि हुन् । उनले पाकिस्तानका उपप्रधान तथा विदेश मन्त्री मोहम्मद ईशाक दारसँग छैठौँ चीन-पाकिस्तान विदेश मन्त्री रणनीतिक संवाद बैठक गर्नेछन् ।

प्रवक्ता माओ निङका अनुसार, वाङको यस भ्रमणको क्रममा चीनले पाकिस्तानसँग रणनीतिक संवाद मजबुत बनाउने र विभिन्न क्षेत्रमा व्यावहारिक सहकार्य विस्तार गर्ने विषयमा सहमति कायम गर्ने अपेक्षा राखेको छ । दुबै देशले क्षेत्रीय तथा विश्वव्यापी मामिलामा आपसी समन्वय बढाउने प्रयास गर्नेछन् र नयाँ युगमा साझा भविष्यको लागि चीन-पाकिस्तान समुदाय अझ नजिक ल्याउने कदम चाल्ने विश्वास लिइएको छ ।

उनले चीन र पाकिस्तानबीचको दीर्घकालीन मित्रता र सबै मौसमका लागि रणनीतिक सहकार्यको सराहना गर्दै दुईपक्षीय सम्बन्धमा मजबुत रणनीतिक विश्वास र उच्चस्तरीय आदानप्रदान प्रायः भइरहने उल्लेख गरेका छन् ।

वाङ यी अन्तिम पटक मार्च २०२२ मा पाकिस्तान भ्रमणमा गएका थिए । यस वर्ष फेब्रुअरीमा पाकिस्तानका राष्ट्रपति असिफ अली जरदारीले चीनको औपचारिक भ्रमण गरे र नवौँ एशियाली शीतकालीन खेलकुदको उद्घाटन समारोहमा सहभागी भएका थिए । पाकिस्तानका प्रधानमन्त्री मोहम्मद शेहबाज शरीफले गत जूनमा चीनको औपचारिक भ्रमण गरेका थिए ।