नेपाली काँग्रेस गुल्मीको अधिवेशन फेरि गर्न माग

सेतोमसी सहकर्मी

नेपाली काँग्रेस गुल्मीको अधिवेशन फेरि गर्न माग

अ +
अ
अ -

कृष्ण अन्जान, गुल्मी । काङ्ग्रेस गुल्मीको अधिवेशनमा पुन:मतदान गर्न देउवा पक्षले माग गरेको छ । आइतबार बिहान पत्रकार सम्मेलन गर्दै देउवा पक्षका जिल्ला सभापतिका उम्मेदवार बेद बहादुर थापा मगरले जिल्लाभरकै निर्वाचन प्रक्रिया स्थगित गरि पुन:मतदान गर्न माग गरेको हाे ।

शनिबारदेखि सुरू भएको मतदान प्रक्रियामा सभापतिका अर्का उम्मेदवार खिलध्वज पन्थीले छापामार शैलिमा अधिवेशन गरेको थापाकाे आराेप छ ।

पन्थी रामचन्द्र पाैडेल पक्षका उम्मेदवार हुन भने थापा शेरबहादुर देउवा पक्षका हुन् । स्थगित गरिएको निर्वाचन प्रक्रिया जबरजस्ती अगाडि बढाउन खाेजे आफुहरूले अवरुद्ध गर्ने समेत उनले चेतावनी दिए ।

निर्वाचन प्रक्रियामा कम्तीमा तीन दिनअघि मतदातालाई जानकारी हुनुपर्ने भएपनि त्यसकाे ठिक विपरित पन्थीले मतपत्रमा संकेत गरेकाे थापाकाे भनाई छ ।
नेपाली काँग्रेस गुल्मीका सबै अधिवेशनहरुमा अदृष्य प्यानलहरु देखा परेपनि यसरी सतहमै अाएर अाराेप लगाईएकाे याे पहिलाे पटक हाे ।
गुट उपगुटका कारण प्रदेश प्रतिनिधि र महाअधिवेशन प्रतिनिधिमा नेपाली काँग्रेसका ठुला हस्तिहरुले पराजय भाेग्नु परेकाे चर्चा चलिरहँदा जिल्ला अधिवेशनमा एउटा गुटका उम्मेदवारले नै पत्रकार सम्मेलन गरेपछि नेपाली काँग्रेसकाे विवाद सतहमा अाएकाे छ ।