बुद्धपब्लिकमा नागपञ्चमी विशेष चित्रकला प्रतियोगिता

सेतोमसी
श्रावण १३, २०८२ मंगलवार

बुद्धपब्लिकमा नागपञ्चमी विशेष चित्रकला प्रतियोगिता

अ +
अ
अ -

देवदह । देवदह बुद्धपब्लिक आवासीय माध्यमिक विद्यालयमा 'नाग पञ्चमी' विशेष चित्रकला प्रतियोगिता सम्पन्न भएको छ । विद्यार्थीलाई संस्कृतिसँग साक्षात्कार गराउने उद्धेश्यले प्रतियोगिता आयोजना गरिएको विद्यालयले जनाएको छ ।

कक्षा नर्सरीदेखि कक्षा ९ सम्मका विद्यार्थीहरुको सहभागिता रहेको प्रतियोगिता पूर्व प्रा.वि, प्रा.वि., नि.मा.वि र मा.वि गरि ४ तहमा विभाजन गरिएको थियो ।

कार्यक्रममा बोल्दै विद्यालयका प्राचार्य कृष्णप्रसाद गैरेले साँस्कृतिक विषयसँग नजिक रहेर कार्यक्रम सञ्चालन गर्दा विद्यार्थीहरुले साँस्कृतिक पर्वहरूको बारेमा जानकारी हासिल गर्न सक्ने बताए । उनले परम्परादेखि चल्दै आएका साँस्कृतिक पर्वहरूको अपनत्व ग्रहण नयाँ पुस्ताले गर्नु पर्नेमा जोड दिए ।

विद्यालयका अतिरिक्त क्रियाकलाप प्रमुख ढुण्डिराज मरासिनीले संयोजन गरेको कार्यक्रममा सहायक प्राचार्य वेद सूर्यवंशी, रोशी गुरुङ्ग, मा.वि. इन्चार्ज मुक्ति विश्वकर्मा, अञ्जना वली, अस्मिता गुरुङ्ग, मनमाया रूचाल लगायत शिक्षकहरुको उपस्थिति रहेको थियो ।