देवदहमा पूर्वप्राथमिक तहका शिक्षकहरुलाई शिक्षण सिकाइ तालिम

सेतोमसी
आषाढ ३१, २०८२ मंगलवार

देवदहमा पूर्वप्राथमिक तहका शिक्षकहरुलाई शिक्षण सिकाइ तालिम

अ +
अ
अ -

देवदह । रुपन्देहीको देवदहमा पूर्व प्राथमिक तहका शिक्षकहरुलाई शिक्षण सिकाई सम्बन्धि २ दिने तालिम सुरु भएको छ । शिक्षण सिकाई प्रक्रियालाई गुणस्तरिय र प्रभावकारी बनाउन तालिम आयोजना गरिएको निजी तथा आवासीय विद्यालय व्याव्सन देवदहले जनाएको छ ।

प्याव्सन अन्तर्गतका १० विद्यालय सहभागी तालिममा पूर्व प्राथमिक तहमा अध्यापनरत ८० जना शिक्षकहरुको सहभागिता रहेको छ । तालिममा प्रशिक्षक तथा लेखक सानु अमात्यले सहजिकरण गर्ने जनाइएको छ ।

तालिम उद्घाटनको अवसरमा अध्यक्ष रामबहादुर गुरुङले पूर्व प्राथमिक तह भनेको शिक्षाको जग भएको उल्लेख गर्दै उक्त जग बलियो बनाउन तालिम आयोजना गरिएको बताए । प्याव्सनले शिक्षकको क्षमता वृद्धिको लागि विभिन्न कार्यक्रमहरु गरिरहेको बताउँदै उनले तालिमलाई उपयोग गरेर शिक्षण सिकाई कार्यलाई प्रभावकारी बनाउन सहभागी शिक्षकहरुलाई आग्रह गरे ।