शिक्षा

त्रिविको उपकुलपतिमा तीन जनाको नाम सिफारिस

सेतोमसी
आषाढ २३, २०८२ सोमवार

त्रिविको उपकुलपतिमा तीन जनाको नाम सिफारिस

अ +
अ
अ -

काठमाडौं । त्रिभुवन विश्वविद्यालयको उपकुलपतिमा तीन जनाको नाम सिफारिस गरिएको छ ।

उपकुलपति छनोटका लागि गठित सिफारिस समितिले सोमबार कुलपति तथा प्रधानमन्त्री केपी शर्मा ओलीलाई प्रा.डा.खड्ग केसी, प्रा.डा. विनिल अर्याल, प्रा.डा. योगेन्द्रबहादुर गुरुङको नाम सिफारिस गरेको स्रोतले जनाएको छ ।

प्रधानमन्त्री ओलीले गत जेठ ६ गते सहकुलपति तथा शिक्षामन्त्री रघुजी पन्तको संयोजकत्वमा तीन सदस्यीय छनोट सिफारिस समिति गठन गरेका थिए ।

गत १५ चैतमा प्रा.डा.केसरजङ्ग बरालले राजीनामा दिएपछि उपकुलपति पद रिक्त थियो । अब सिफारिस गरिएका तीन जनामध्येबाट एक जनालाई कुलपति ओलीले उपकुलपतिमा नियुक्त गर्नेछन् ।

हाल त्रिविका शिक्षा अध्यक्ष प्राडा खड्ग केसीले निमित्त उपकुलपतिको जिम्मेवारी सम्हाल्दै आएका छन् ।