बाग्लुङ : तिहार मेलामा भलिबल प्रतियोगिता, नगद देखि खसी, बोकासम्म पुरस्कार

सेतोमसी सहकर्मी

बाग्लुङ : तिहार मेलामा भलिबल प्रतियोगिता, नगद देखि खसी, बोकासम्म पुरस्कार

अ +
अ
अ -

लाेक प्रसाद छन्त्याल, बाग्लुङ । बागलुङ जिल्लाको निसीखोला गाउँपालिकामा तिहार विशेष मेला सञ्चालन हुने भएको छ । कार्तिक २० गते देखि उक्त मेला हुन लागेको हो ।

जिल्लाको निसिखोला गाउँपालिका वडा नम्बर २ मा रहेको सनराइज युवा क्लबले आगामी कार्तिक २० गते देखि वडा स्तरीय पुरुष तथा महिला भलिबल लगायत दर्जनौँ कार्यक्रम सञ्चालन गर्ने आयोजक सनराइज युवा क्लबका कोषाध्यक्ष चिना घर्तीले जानकारी दिईन् ।

कोषाध्यक्ष घर्तीका अनुसार वडा स्तरीय पुरुष भलिबल प्रतियोगिताको पुरस्कार राशी प्रथम हुनेले ६१ हजार कप, मेडल र प्रमाणपत्र, द्वितीय हुनेले ४१ हजार कप, मेडल र प्रमाणपत्र र तृतीय हुनेले २१ हजार कप मेडल र प्रमाणपत्र हात पार्नेछन् भने उक्त खेलको दर्ता शुल्क ६ हजार राखिएको छ।

त्यस्तै वडा स्तरीय महिला भलिबल प्रतियोगिताको पुरस्कार राशी प्रथम २५ हजार कप, मेडल र प्रमाणपत्र, द्वितीय १५ हजार कप, मेडल र प्रमाणपत्र र तृतीय ८ हजार कप, मेडल र प्रमाणपत्र हात पार्ने र उक्त महिला भलिबलको दर्ता शुल्क २ हजार ५ सय राखिएको बताइएको छ।

त्यसै गरी ३५ वर्ष माथीको वडा स्तरीय मैत्रीपुर्ण भलिबल पनि सञ्चालन हुने भएको छ। उक्त खेलको पुरस्कार भने प्रथम हुनेले खसी र द्वितीय हुनेले बोका हात पार्ने छन् भने दर्ता शुल्क रु. २ हजाए राखिएको आयोजकले जानकारी दिएको छ।

आयोजकको अनुसार मेलाको अवसरमा राष्ट्रिय स्तरका चर्चित कलाकार र स्थानीय कलाकारहरुको पनि सांगीतिक प्रस्तुति रहने छ।