कृष्ण अनजान, रुरु । गत वर्षको तुलनामा रुरुक्षेत्रमा  याे वर्षकाे दशैँमा रौनककता देखिएकाे छ । मुख्यतया सप्तमीदेखि नवमीसम्म बाक्लाे सँख्यामा गाउँ फर्कनेहरुकाे लर्काे लाग्याे भने विजया दशमीकाे दिन त टीका थाप्न आउने र जानेले ग्रामिण सडकहरुमा सवारी साधन र माेटरसाईकलकाे भिडभाड नै देखियाे ।

काेभिडकाे सँक्रमणमा न्यून भएसँगै गाउँमा रहेका बा आमा इष्टमित्र भेट्न आउनेहरु अत्यधिक देखिएकाे रुरुक्षेत्र १ का ओम ज्ञवालीले बताए ।
पाेहाेर साल सबैले जहाँ बस्छन, त्यहिँ दशै मनाएकाहरु यसवर्ष गाउँ फर्केर गाउँकाे अर्गानिक स्वाद र परम्परामा दशैँ मनाए । "यसपाली त दशैँ मनाउन म पनि परिवार सँग गाउँमै आएँ र परिवारका सदस्यहरुलाई समेत गाउँमै बाेलाएर दशैँ मनाएँ ज्ञवालीले भने ।

दशैकाे शुरुवात सँगै ग्रामीण क्षेत्रका कच्ची सडकहरु पनि रुरुक्षेत्र गाउँपालिकाले डाेजर लगाएर सहज बनाई दिएपछि गाउँगाउँमा मात्र हाेईन आगन आगनमा बस, जिप, माेटरसाईकल र निजी सवारीका साधन पुर्याउन सहज बनेपछि पनि गाउँ फर्कनेहरुकाे लर्काे लागेकाे हाे ।

गत वर्षको रुरुक्षेत्र गाउँपालिकाले नै कडाई गरेपछि बाहिरबाट खासै मान्छेहरु दशैँमा गाउँ नफर्केकाेमा यस वर्ष काेभिड सँक्रमण न्यून रहेकाले पनि र काेभिड सँक्रमणबाट बच्न स्वास्थ मापदण्ड अपनाउने बानी परेकाले पनि मास्क सेनिटईजर लगाएतका स्वास्थ सामाग्री प्रयाेग गर्दै घर फर्कने र दशैँ का दिन टीका थाप्न घरघर पुगेकाे देखियाे ।

सबै जसाे घरहरुमा छाेरा छाेरी नाति नातिना ज्वाइँ भान्जाहरु आएकाे देखिन्थ्याे भने टीका लगाएर गाउँ घरमा टीका थाप्न डुलेकाे देखिएकाे थियाे ।
गाउँमा  हुने साँस्कृतिक कार्यक्रम पुनर्मिलन समाराेह जमघट त भएनन तर गाउँ फर्केकाहरुले गाउँमा बस्नेहरुसँग घरमै पुगेर भलाकुसारी भेटघाट ढाेग भेट गरेकाे पाईयाे । विगतमा जस्ताे दशैँमा सेलरोटी अर्सा त पाकेनन तर गाउँ भरि बाेका खसी र कुखुरा मज्जाले काटिए ।

दशैँ रमाईलाे र पारिवारिकसँगै गाउँ घरकाे मिलनकाे अवसर हुनाले पनि गाउँमा आएकाहरु गाउँ घरमा भेटघाटले खुशि देखिन्थे भने निरश बनेर गाउँमा बसेका बुढा बा - आमा, छाेरा - छाेरी, नाति नातिना अाउँदा धेरै खुशि देखिन्थे ।

जीवनकाे १ सय ११ वर्ष पूरा गरेकी रुरुक्षेत्र १ ठाडाबाटकी जम्दार्नी आँबैले पनि आफ्ना छाेरा छाेरी नाति नातिना र गाउँमा फर्केकाहरुलाई टीका लगाई दिएर खुशि साटेकी छन । एक सय एघार वर्षकी जम्दार्नी आबैसँग टीका थाप्नेहरुकाे पनि राम्रै भिड लागेकाे थियाे ।

सधै पानीकाे पिरलाेले सताई रहने जम्दार्नी आँवैकाे घरमै एकघार एकधारा अन्तरगत पानी पुगे पछि याे दशैँमा जमदार्नी आँवै फुरुक्क देखिईन ।