काठमाडौ । नेकपा एमालेका सांसद छविलाल विश्वकर्माले विद्यालय शिक्षा विधेयकका १६३ दफामध्ये १२७ दफामा सहमति भइसकेको बताएका छन् ।आईतवार संसद भवन बाहिर सञ्चारकर्मीहरूसँग कुरा गर्दै विद्यालय शिक्षा विधेयक उपसमितिका संयोजक समेत रहेका विश्वकर्माले १६३ दफामध्ये १२७ दफामा टुंगो लागिसकेको र बाँकी दफामाथि छिटो निर्णय लिइने बताए।
उनले विद्यालय शिक्षा विधेयकलाई छिटो पारित गर्ने काम भइरहेको र शिक्षा, सञ्चार तथा सूचना प्रविधि समितिले दिएको ३५ दिनको समयसीमाभित्र उपसमिति काम सक्ने दाबी गरे।
"हामीले कामलाई निरन्तर अघि बढाउँदैछौँ। आज २७औं बैठक सम्पन्न गरेका छौँ। अर्को बैठक पनि आज नै बस्नेछ।" उनले भने, "विद्यालय शिक्षा विधेयकमा गम्भीर ढंगले समीक्षा गरेका छौँ र संशोधनकर्ता सदस्यहरूको सुझाव पनि हेरेका छौँ। सातै प्रदेशमा राय सुझाव संकलन गरेका छौँ र यसलाई आधार मानेका छौँ।"
सांसद विश्वकर्माले शिक्षक महासंघका सुझावहरू पनि सकारात्मक ढंगले अघि बढाउने बताए। उनले शिक्षकहरूलाई वार्ता गर्न तयार रहन र आन्दोलन रोक्न आग्रह गरे ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)