काठमाडौं । देशमा हाल स्थानीय वायु र पश्चिमी वायुको प्रभाव सक्रिय छ। यसको असरले कोशी, बागमती, गण्डकी र कर्णाली प्रदेशमा आंशिकदेखि सामान्य बदली भएको छ। कोशी र बागमती प्रदेशका केही स्थानमा चट्याङ्गसहित हल्का वर्षा भइरहेको छ।
दिउँसो देशभर आंशिकदेखि सामान्य बदली रहने मौसम पूर्वानुमान महाशाखाले जनाएको छ। कोशी प्रदेशसहित देशका पहाडी भूभागका केही स्थान र अन्य भागका थोरै ठाउँमा चट्याङ्गसहित हल्कादेखि मध्यम वर्षा हुन सक्ने सम्भावना छ।
कोशी, बागमती र गण्डकी प्रदेशका पहाडी भूभागका एक–दुई स्थानमा भारी वर्षा हुन सक्ने चेतावनी दिइएको छ। देशको उच्च पहाडी तथा हिमाली क्षेत्रमा थोरै स्थानमा हल्का हिमपातको सम्भावना समेत छ।
आज राति पनि कोशी, बागमती र गण्डकी प्रदेशका केही स्थान र कर्णाली प्रदेशका पहाडी भूभागमा चट्याङ्गसहित हल्का वर्षा हुन सक्ने पूर्वानुमान छ। साथै, कोशी, गण्डकी र कर्णाली प्रदेशका उच्च पहाडी तथा हिमाली क्षेत्रमा हिमपातको सम्भावना कायम छ।
मौसममा देखिएको यो गतिविधिका कारण कृषि, दैनिक जनजीवन, स्वास्थ्य, सडक तथा हवाई यातायातमा असर पर्न सक्ने भएकाले आवश्यक सतर्कता अपनाउन मौसम पूर्वानुमान महाशाखाले आग्रह गरेको छ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology
