माओवादी परित्यागको पत्र पुगेसंगै गृहमन्त्री रामबहादुर थापा राष्ट्रियसभा सदस्यबाट पदमुक्त

सेतोमसी
बैशाख ५, २०७८ आइतवार

माओवादी परित्यागको पत्र पुगेसंगै गृहमन्त्री रामबहादुर थापा राष्ट्रियसभा सदस्यबाट पदमुक्त

अ +
अ
अ -

काठमाडौँ : गृहमन्त्री रामबहादुर थापाको राष्ट्रिय सभा सदस्य पद गएको छ । थापाले राष्ट्रिय सभा सदस्य दल जितेको दल नेकपा माओवादी केन्द्रका राष्ट्रिय सभा संसदीय दलका नेता दिनानाथ शर्माले थापाले माओवादी त्याग गरेको पत्र बुझाए संगै थापाको पद सकिएको हो ।

संघीय संसदका महासचिव डा. भरतराज गौतमले एक सूचना जारी गर्दै गृहमन्त्री थापाको पद गएको जनाएका हुन् ।

थापाले राष्ट्रिय सभा सदस्य दल जितेको दल नेकपा माओवादी केन्द्रका राष्ट्रिय सभा संसदीय दलका नेता दिनानाथ शर्माले चैत १७ गते थापाले माओवादी त्याग गरेको पत्र संसद सचिवालयमा दर्ता गरेका थिए ।

माओवादीले लिखित पत्र पेश गरेपछि राजनीतिक दलसम्बन्धी ऐन, २०७३ को दफा ३५ को उपदफा (२) तथा राष्ट्रिय सभा नियमावली, २०७५ को नियम १८६ को उपनियम (२) बमोजिम राष्ट्रिय सभाका अध्यक्ष गणेशप्रसाद तिमिल्सिनाले थापाको राष्ट्रिय सभा सदस्य पद रिक्त हुने निर्णय गरेका हुन् ।