शिक्षक-कर्मचारी सेभेन ए साइड फुटबल प्रतियोगिताको उपाधि केरवानीलाइ

रेशम अधिकारी
पौष २४, २०८१ बुधवार

शिक्षक-कर्मचारी सेभेन ए साइड फुटबल प्रतियोगिताको उपाधि केरवानीलाइ

अ +
अ
अ -

देवदह l प्रथम देवदह नगरस्तरीय अन्तर सामुदायिक विद्यालय शिक्षक-कर्मचारी सेभेन ए साइड फुटबल प्रतियोगिताको उपाधि केरवानी माध्यमिक विद्यालयले हात परेको छ । जनप्रिय माध्यमिक विद्यालयले आयोजना गरेको प्रतियोगिताको फाइनल खेलमा केरवानी माविले सिता माध्यमिक विद्यालय चरंगेलाई १ का विरुद्ध २ गोलले पराजित गर्दै उपाधि हात पारेको हो ।

फाइनल खेलको पहिलो हाफमा केरवानी माविका विवेक पाण्डेले पहिलो गोल गर्दै आफ्नो टिमलाई अग्रता दिलाएका थिए । सिता माध्यमिक विद्यालयले पहिलो हाफमा गोल गर्न असफल रह्यो । दोस्रो हाफमा सिता माविका पुरुषोत्तम ज्ञवालीले एक गोल गर्दै खेललाई बराबरीमा ल्याए । तर, लामो समयसम्म बराबरी अवस्था टिक्न सकेन । दोस्रो हाफमा केरवानीका गोकर्ण गैरेले अर्को गोल गर्दै टिमलाई पुनः अग्रता दिलाए ।

खेलको बाँकी समयमा सिता माविले थप गोल गर्न नसकेपछि गैरेको गोल नै निर्णायक बन्दै केरवानीले उपाधि चुम्न सफल भयो।

प्रतियोगितामा विजेता बनेको केरवानी माविले नगद रु १०,००० सहित शिल्ड, मेडल र प्रमाणपत्र, उपविजेता सिता माविले नगद रु ७,००० सहित शिल्ड, मेडल र प्रमाणपत्र प्राप्त गरेका छन् ।

यसअघि देवदह प्रेस क्लब र जनप्रिय माध्यमिक विद्यालयका शिक्षकहरूबीच भएको मैत्रीपूर्ण खेलमा देवदह प्रेस क्लब विजयी भयो। क्लबले जनप्रिय माविका शिक्षकहरूलाई १ का विरुद्ध ३ गोलले पराजित गर्दै जित हात पारेको हो। पहिलो हाफमा एक गोलले अग्रता कायम गरेपनी दोश्रो हाफमा आफ्नो अग्रतालाइ बचाइ राख्न नस्कदा जनप्रियले प्रेस क्लव विरुद्धको हार व्यवहोर्नुपर्यो !

प्रतियोगितामा विजयी विद्यालय तथा खेलाडिलाइ प्रमुख अतिथी प्रदेशसभा सदस्य अब्दुल रज्जाकले सिल्ड तथा प्रमाणपत्र प्रदान गरे ।

WhatsApp Image 2025-01-08 at 18.23.27_0f40b5dd.jpg