सिक्टहन माविका विद्यार्थीलाई स्वीटर वितरण

सेतोमसी
पौष ५, २०८१ शुक्रवार

सिक्टहन माविका विद्यार्थीलाई स्वीटर वितरण

अ +
अ
अ -

देवदह । सिक्टहन माध्यमिक विद्यालय देवदह - १२ मा अध्यायनरत विद्यार्थीहरूलाई स्वीटर वितरण गरिएको छ।

आर्थिक बर्ष २०८१/८२ को वडा स्तरिय योजना अन्तर्गत विद्यार्थीहरुलाई स्वीटर वितरण गरिएको हो ।

शुक्रबार एक कार्यक्रमका बिच वडा कार्यालयका प्रनिनिधि, विद्यालय व्यवस्थापन समितिका प्रतिनिधि र शिक्षकहरुको रोहवरमा कक्षा एकदेखि पाँच कक्षासम्मका १ सय ९९ जना विद्यार्थीहरुलाई स्वीटर (पोशाक) वितरण गरिएको वडा नं १२ का सचिव हरि प्रसाद भट्टराईले जानकारी दिए ।

सोही कार्यक्रममा बोल्दै वडा अध्यक्ष डेग बहादुर सारुले १२ वडा भित्र रहेका अन्य विद्यालयमा पनि स्विटरसहित विभिन्न शैक्षिक सामग्री वितरण गरिने बताए । अहिले चिसो मौसम भइसकेकाले पनि विद्यार्थीहरुलाई वितरण गरिएको स्वीटरले धेरै राहत पुग्ने तथा अभिभावकसमेत खुसी भएका वडा अध्यक्ष सारुले बताए।

शिक्षिका जमुना कवरको स्वागत मन्तव्यसहित सुरु भएको कार्यक्रममा विद्यालयका अध्यक्ष हेमराज कवर, वडा सदस्य गोविन्द तेली, चिनक मल्लाहा, विन्दा पासी विद्यालयका शिक्षक लगाएतको उपस्थिती रहेको कार्यक्रमको सञ्चालन शिक्षक ग्रीस प्रसाद कवरले गरेका थिए।