देवदह । पल्लवी बचत तथा ऋण सहकारी संस्थाले पल्लवी छात्रवृत्ति अक्ष्यकोष अन्तर्गत शैक्षिक सामाग्री वितरण गरेको छ। शुक्रबार एक कार्यक्रमका बिच देवदह ६ सरनबारी स्थित कालिका आधारभूत विद्यालयमा सो कार्यक्रम भएको हो।
उक्त कार्यक्रमलाइ सम्बोधन गर्दै साकोसका अध्यक्ष तथा छात्रवृत्ति कोष संयोजक प्रमोद खनालले पल्लवी साकोसले तिहारको बेलामा खेलीने देउसी भैलोबाट संकलित रकम अक्षयकोषमा राखि प्राप्त व्याज रकमबाट हरेक वर्ष एउटा एउटा विद्यालयमा शैक्षिक सामाग्री वितरण गर्दै आएको जानकारी दिए। संस्थाले विभिन्न सामाजिक गतिविधि गर्दै आएको बताउदै अध्यक्ष खनालले उद्धमशिल र व्यावसायिक कृषि प्रणाली सुरु गर्न विभिन्न कृषि तालिम संचालन गर्दै आएको जानकारी दिए।
छात्रवृत्ति वितरण कार्यक्रममा कालिका आ वि का कक्षा नर्सरी देखी ५ सम्मका ५४ विद्यार्थीलाई शैक्षिक सामाग्री वितरण गरिएको संस्थाका वरिष्ठ सहायक सुवास पाण्डेले जानकारी दिए ।
विद्यालय व्यवस्थापन समितिका अध्यक्ष धन बहादुर राना, विद्यालयका प्रधानाध्यापक तेज बहादुर अर्याल लगाएतले शुभकामना मन्तव्य राखेका थिए।
पल्लवी बचत तथा ऋण सहकारी संस्थाका अध्यक्ष प्रमोद खनालको अध्यक्षता र व्यवस्थापक केशव आचार्यको सन्चालनमा कार्यक्रम सम्पन्न भएको हो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
