काठमाडौं । राष्ट्रिय स्वतन्त्र पार्टीले सडक प्रदर्शनलाई तत्कालका लागि स्थगित गरेको छ । गत शनिबारदेखि पोखरामा दिनहुँ प्रदर्शन गरेको रास्वपाले शुक्रबार काठमाडौंमा विरोध गरेको थियो ।
सभापति रवि लामिछानेलाई राजनीतिक प्रतिशोधका आधारमा पक्राउ गरिएको जनाउँदै विरोध प्रदर्शन गर्दै आएको रास्वपाले अबका विरोध कार्यक्रम केन्द्रीय समितिको बैठकले निर्णय गर्ने जनाएको छ । रास्वपा संसदीय दलका उपनेता विराजभक्त श्रेष्ठले भने ‘पोखराबाट सुरु भएको विरोध प्रदर्शनलाई आज काठमाडौंमा निरन्तरता दियौं । अबका कार्यक्रम केन्द्रीय समितिको बैठक बसेर निर्णय गर्छौं ।’
काठमाडौं जिल्ला समिति आयोजक र केन्द्रीय सदस्य पुकार बम संयोजक भएर शुक्रबारको विरोध कार्यक्रम गरिएको थियो । विरोध प्रदर्शनलाई उपत्यकाव्यापी बनाउने गरी पार्टीले निर्णय लिने श्रेष्ठले बताए ।
रास्वपा सभापति लामिछानेलाई सहकारी ठगी प्रकरणमा २ कात्तिकमा प्रहरीले पक्राउ गरेको थियो । जिल्ला अदालत कास्कीले थप अनुसन्धानका लागि दुईपटक समयावधि थपेको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
