वीरगञ्ज । नेकपा एमालेका केन्द्रीय सदस्य तथा वीरगञ्ज महानगरपालिकाका पूर्वप्रमुख विजयकुमार सरावगी राष्ट्रिय स्वतन्त्र पार्टी (रास्वपा) मा प्रवेश गरेका छन् ।
सरावगीले अनलाइनमार्फत रास्वपाको सदस्यता लिएका हुन् । उनले आफू देशभक्ति र भ्रष्टाचारविरोधी अभियानबाट प्रभावित भएर रास्वपामा जोडिएको बताएका छन् ।
२०७४ सालमा जनता समाजवादी पार्टीबाट वीरगञ्जको प्रमुखमा निर्वाचित सरावगी २०७९ को स्थानीय तह निर्वाचनमा एमालेबाट उम्मेदवार बनेका थिए । उनी जसपा छाडेर एमाले प्रवेश गरेका थिए ।
वीरगञ्जको प्रमुखमा उम्मेदवार बन्ने उद्देश्यले रास्वपा प्रवेश गरेको चर्चा चले पनि सरावगीले आफू पार्टीको सदस्य मात्रै भएको र जिम्मेवारी पाए इमानदारीपूर्वक पूरा गर्ने बताएका छन् । रास्वपा पर्साका अध्यक्ष हरि पन्तले पनि सरावगीले अनलाइन सदस्यता लिएको पुष्टि गरेका छन् ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)