नेपाल, अस्ट्रेलिया र इङ्ग्ल्यान्डसँग एकै समूहमा

सेतोमसी
आश्विन २३, २०८१ बुधवार

नेपाल, अस्ट्रेलिया र इङ्ग्ल्यान्डसँग एकै समूहमा

अ +
अ
अ -

काठमाडौं । आगामी महिना हुने १९ औं संस्करणको द हङकङ क्रिकेट सिक्सेसमा नेपाल अस्ट्रेलिया र इङ्ग्ल्यान्डसँग एकै समूहमा परेको छ ।

द हङकङ क्रिकेट सिक्सेसले बुधबार गरेको समूह विभाजनमा नेपाल अस्ट्रेलिया र इङ्ग्ल्यान्डसँग एकै समूहमा परेको हो ।

प्रतियोगिताको खेल तालिका पनि बुधवार नै जारी भएको छ । प्रतियोगितामा नेपालको पहिलो खेल इङ्ग्ल्यान्डसँग कार्तिक १६ गते रहेको छ । भने दोस्रो खेल कार्तिक १७ मा अस्ट्रेलियासँग रहेको छ । हरेक समूहका शीर्ष २ टोली क्वाटरफाइनलका लागि छनोट हुनेछन् ।

प्रतियोगिताको सेमिफाइनल र फाइनल खेल कार्तिक १८ गते हुनेछ । प्रतियोगितामा १२ राष्ट्रको सहभागीता रहेको छ । सहभागी १२ राष्ट्रलाई ४ समूहमा विभाजन गरिएको छ ।

समूह ए मा दक्षिण अफ्रिका, न्युजिल्यान्ड र हङकङ, समूह सी मा भारत, पाकिस्तान र युएई तथा समूह डीमा श्रीलंका, बंगलादेश र ओमान रहेका छन् ।

प्रतियोगिताको साविक विजेता दक्षिण अफ्रिका हो । सन् २०१७ मा भएको प्रतियोगिताको पछिल्लो संस्करणमा पाकिस्तानलाई पराजित गर्दै दक्षिण अफ्रिका विजेता बनेको थियो ।

नेपालको मुख्य क्रिकेट टोली विश्वकप लिग टुको त्रिकोणात्मक सिरिजका लागि सो समयमा अमेरिकामा रहने हुँदा नेपालको दोस्रो रोजाईको टोली यस प्रतियोगितामा सहभागी हुनेछ ।