देवदह । देवदह नगरपालिका वडा नं ७ ले वडास्तरिय आत्महत्या न्यूनीकरण तथा व्यवस्थापन कार्यदल गठन गरेको छ । शुक्रबार वडामा आयोजित सर्वपक्षीय भेलाले कार्यदल गठन गरेको वडा कार्यालयले जनाएको छ ।
वडा अध्यक्ष कृष्ण प्रसाद अधिकारीको अध्यक्षतामा आयोजित भेलाले आधारभुत स्वास्थ्य सेवा केन्द्र शितलनगरका प्रमुख हेमलाल कुँवरको संयोजकत्वमा कार्यदल गठन गरेको छ । जसको सहसंयोजकमा डा विक्रम काफ्ले र डा आविस्कार अधिकारी रहेका छन् । कार्यदलको सदस्यहरूमा इन्दिरा अर्याल, गणेश तिमल्सेना, रोहित वाग्ले, राधा लामिछाने, विष्णु कार्की, यामुना बुढाथोकी, क्रिष्टिना न्यौपाने, चन्द्रकान्त रेग्मी, एकका बहादुर नेपाली र मन्जु केसी रहेका छन् ।
नवगठित कार्यदलले वडाका विभिन्न टोलमा मनोपरामर्श कार्यक्रम संचालन गर्ने निर्णय गरेको छ । संयोजक कुँवरका अनुसार कार्यदलले असोज १८ गतेदेखि फाल्गुनसम्म हरेक महिनाको एकदिन विभिन्न उमेर समूहसंग मनोपरामर्श तथा अन्तरक्रिया कार्यक्रम गर्ने छ । कार्यक्रममा टोलविकास संस्था, आमा समूह र विद्यालय तथा क्याम्पसका बालबालिकालाई कार्यक्रममा जोड्ने जनाइएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
