देवदहमा जेसिज सप्ताह शुरु

सेतोमसी
भाद्र १५, २०८१ शनिवार

अ +
अ
अ -

देवदह । रुपन्देहीको देवदहमा देवदह जेसिज सप्ताह–२०८१ शुरु भएको छ । देवदह जेसिजको आयोजनामा भाद्र १५ देखि २२ गते सम्म सप्ताह संचालन हुने जनाईएको छ ।

देवदह जेसिज सप्ताह–२०८१ को एक कार्यक्रमका बीच देवदह नगरपालिकाका प्रमुख प्रशासकीय अधिकृत कृष्णप्रसाद सापकोटाले उद्घाटन गरे । कार्यक्रममा बोल्दै प्रमुख प्रशासकीय अधिकृत सापकोटाले जेसिस लगायतका सामाजिक संघसंस्थाको सहकार्यमा नगरपालिकाले आफ्ना योजना सहज रूपमा कार्यान्वयन गर्न सक्ने बताए । "सामाजिक संघसंस्था स्थानीय सरकारका महत्वपुर्ण अंग हुन् ।" उनले भने, "सबै संघसंस्थाको सहकार्यमा देवदह नगरपालिकाले तत्कालिन र दिर्घकालिन महत्वका कार्यक्रम नगरवासीमाझ लैजान चाहन्छ । यसले योजनाको दिगो कार्यन्वयनमा सहयोग गर्छ ।"

कार्यक्रम अन्तरगत नेपाल महिलाहरुको पर्व तीजको अवसरमा तीज विशेष कार्यक्रम, बाबा बगैचामा सरसफाई, माध्यमिक विद्यालय स्तरीय बक्तृत्वकला प्रतियोगिता, अन्तर शाखा स्तरीय व्याडमिन्टन प्रतियोगिता गरी भाद्र २२ गते समापन गरिने जेसिजका उपाध्यक्ष कमला अर्यालले जानकारी दिइन् ।

देवदह जेसिज सप्ताह–२०८१ अन्र्तगत पहिलो दिन संसदीय बैठक प्राणाली तालिम सम्पन्न भएको छ । देवदह नगरपालिकाका जनप्रतिनिधिहरुको सहभागिता रहेको कार्यक्रमको सहजीकरण चोडामणि डुम्रेले गरेका थिए।

देवदह जेसिजका अध्यक्ष आनन्द पराजुलीको अध्यक्षतामा सम्पन्न कार्यक्रममा लेसिस लिडरहरू मधु भण्डारी, कमला अर्याल, चित्रबहादुर आले लगायतले बोलेका थिए ।