देवदहमा चित्रकला र वक्तृत्वकला प्रतियोगिता : एशियन लाईट, सेभेन स्टार र मदरल्याण्ड प्रथम

सेतोमसी
भाद्र १, २०८१ शनिवार

देवदहमा चित्रकला र वक्तृत्वकला प्रतियोगिता : एशियन लाईट, सेभेन स्टार र मदरल्याण्ड प्रथम

अ +
अ
अ -

देवदह । निजि तथा आवासीय विद्यालय अर्गनाइजेसन (प्याब्सन) देवदहले चित्रकला तथा वक्तृत्वकला प्रतियोगिता सम्पन्न गरेको छ । शुक्रबार सम्पन्न आधारभूत तह स्तरीय चित्रकला प्रतियोगिता र आधारभूत तथा माध्यमिक तह स्तरीय वक्तृत्वकला प्रतियोगितामा एशियन लाईट ई.बो स्कुल, सेभेन स्टार ई.बो स्कुल र मदरल्याण्ड एकेडेमी प्रथम भएका छन् ।

चित्रकला प्रतियोगितामा एशियन लाईट ई.बो स्कुलका जेनिशा घर्ती मगर प्रथम भएकी छन् । त्यसैगरी सेभेन स्टार ई.बो स्कुलका प्रकृति गुरुङ द्वितीय, ग्रीन प्लान्ट ई.बो स्कुलका समन्वय पौडेल तृतीय र सरस्वती शिक्षालयका दिपसन धमेनाले सान्त्वना स्थान हासिल गरेका छन् ।

त्यस्तै आधारभूत तह स्तरीय वक्तृत्वकला प्रतियोगितामा सेभेन स्टार ई.बो स्कुलको सन्ध्या भट्टराई प्रथम, बुद्ध पब्लिक ई.बो स्कुलका अनुस्का भण्डारी द्वितीय, एशियन लाईट ई. बो स्कुलका हंसराज यादव तृतीय र मदरल्याण्ड एकेडेमीका प्रभा कार्कीले सान्त्वना स्थान प्राप्त गरे ।

यसैगरी माध्यमिक तह स्तरीय वक्तृत्वकला प्रतियोगितामा मदरल्याण्ड एकेडेमीका प्रेरणा न्यौपाने प्रथम, ग्रीन प्लान्ट ई.बो स्कुलको स्वीकृति न्यौपाने द्वितीय, बुद्ध पब्लिक ई.बो स्कुलको दीक्षा केसी तृतीय र एशियन लाईट ई.बो स्कुलको आकाश वसेलले सान्त्वना स्थान प्राप्त गर्न सफल भएका छन् ।

प्रतियोगितामा विजेता विद्यार्थीहरुलाई शिल्ड, मेडल र प्रमाणपत्रले पुरस्कृत गरिएको छ ।

प्याब्सन देवदहका नगर अध्यक्ष राम बहादुर गुरुङको अध्यक्षतामा सम्पन्न कार्यक्रममा देवदह नगरपालिका नगर प्रमुख ध्रुवप्रसाद खरेल तथा प्याब्सन नेतृत्वको सहभागीता रहेको थियो । कार्यक्रम सचीव कृष्ण प्रसाद गैरेको संचालनमा सम्पन्न भएको थियो ।