देवदह मदरटङ्समा नमुना मतदानको अनुभव बटुल्दै विद्यार्थी

सेतोमसी सहकर्मी

देवदह मदरटङ्समा नमुना मतदानको अनुभव बटुल्दै विद्यार्थी

अ +
अ
अ -

देवदह । रूपन्देहीको देवदह नगरपालिका वार्ड नम्बर ५ मा अवस्थित देवदह मदरटङ्स एकेडेमीले नमुना मतदानको अभ्यास गराएको छ । मतदानको महत्वसँगै मतदाता शिक्षा विद्यार्थीले जान्नुपर्ने भएकोले अभ्यास गराइएको विद्यालयले जनाएको छ ।

"मतदाता शिक्षा आवश्यक छ, लोकतान्त्रिक प्रणालीमा नागरिकले आफ्नो मतको महत्व बुझेमात्र उनीहरू असल नागरिक हुन्छन भन्ने उद्धेश्यले विद्यार्थीहरूलाई मतदान प्रक्रियाबारे सिकाइएको हो" विद्यालयका प्राचार्य रामबहादुर गुरुङले भने ।

आफ्नो मताधिकारको सही प्रयोग गर्न सिकाउनेसंगै उनीहरूलाई नागरिकका रूपमा जिम्मेवार बनाउन मद्दत गर्ने र राजनीतिक प्रणाली, नीति निर्माण, र सामाजिक न्यायका सिद्धान्तहरूसँग परिचित गराउन नमुना मतदानले सहयोग गरेको विद्यालयले जनाएको छ ।

नमुना मतदान कार्यक्रममा सेतोमसीसँग कुरा गर्दै कक्षा ७ का विद्यार्थी स्वहम शर्माले भने, "पहिला बुबाआमाले मतदान गर्न जाने बेलामा केको लागि मतदान गर्न जानुभएको होला ? मतदान भनेको के होला भन्ने सोच्थे तर आज आफै नमुना अभ्यास गर्न पाउँदा यसको महत्वका बारेमा जान्ने अवसर पाएँ ।

मतदान कार्यक्रममा कक्षा ५ देखि १० सम्मका २१३ जना विद्यार्थी सहभागी भएको विद्यालयका सह प्राचार्य यमलाल शर्माले जानकारी दिए ।

नमुना मतदान अभ्यास विद्यालयको रेडक्रस कमिटी र बाल क्लब पुनर्गठन गर्ने सन्दर्भमा भएको हो ।