काठमाडौं । अत्याधिक गर्मी बढेको तराई क्षेत्रमा आगामी चार दिनसम्म तातो हावा चल्नसक्ने चेतावनी मौसम पूर्वानुमान महाशाखाले दिएको छ।
महाशाखाका अनुसार केही दिनदेखि देशका अधिकांश भागको अधिकतम तथा न्यूनमत तापक्रम क्रमिक रुपमा वृद्धि भइरहेको तथा तराईका केही स्थानमा अधिकतम तापक्रम ४० डिग्री सेल्सियस वा त्यसभन्दा बढी नापिएको छ।
सोमबार दिउँसोको तथ्यांकअनुसार भैरहवामा ४०.९ र सिमरामा ४० डिग्री सेल्सियस तापक्रम मापन भएको छ । जनकपुरमा ३९.४, धनगढीमा ३८.८ र नेपपालगञ्जमा ३८.४ डिग्री सेल्सियस मापन भएको पनि मौसम पूर्वानुमान महाशाखाले जानकारी दिएकाे छ।
आगामी चार दिनसम्म धनुषादेखि कञ्चनपुरसम्म अत्याधिक गर्मी हुने भएकाले तातो हावा तथा तातो लहरको सम्भावना रहेकाले सतर्कता अपनाउन पनि महाशाखाले अनुरोध गरेको छ ।
अत्याधिक गर्मी बढेपछि केही दिनयता तराईको जनजीवन प्रभावित बनेको छ।
Copyright © All right reserved to setomasi.com
Site By: SobizTrend Technology