देवदह । गतराती रूपन्देहीको सैनामैनामा समातिएका दुई ट्रक गोरूलाई देवदहको घोडाहामा रहेको छाडा चौपाया व्यवस्थापन केन्द्रमा सेल्टर दिईएको छ । सोमबार राती सैनामैनाको वडा नं ४ र ५ मा वेवारिसे अवस्थामा दुईवटा ट्रकमा फेला परेका ३८ वटा गोरूलाई व्यवस्थापन गर्न इलाका प्रहरी कार्यालय बुटवलबाट आएको पत्रको आधारमा आवश्यक व्यवस्था मिलाईएको देवदह नगरपालिका वडा नं ९ का वडा अध्यक्ष मोहन जिसीले जानकारी दिए ।
घोडाहामा रहेको छाडा चौपाया व्यवस्थापन केन्द्रमा गोरुलाई दाना र पानीको आवश्यक प्रवन्धसंगै शरीरमा देखिएका चोटपटकको उपचारको व्यवस्था समेत मिलाइएको वडाअध्यक्ष जिसीले बताए ।
सेतोमसीसंग कुरा गर्दै भलुहीमा गौशाला संचालन गरिरहेका स्वामी सोमराजले आफ्नो पहलमा तस्करको हातबाट गोरुलाई फ़ुत्काएर ल्याएको बताए । नेपालबाट गाई गोरू तस्करी हुँदै आएको र त्यसलाई रोक्न आफु लागिपरेको उल्लेख गर्दै उनले तस्करीमा केन्द्रिय तहका नेता र उनका आफन्त जोडिएको दावी गरे ।
दैनिक २५ देखि ३० ट्रक गाई गोरू पश्चिम बङ्गालतर्फ तस्करी हुने आफ्नो अध्ययनले देखाएको बताउंदै स्वामी सोमराजले यसलाई रोक्न सबैको पहल आवश्यक रहेको बताए ।
समातिएका गाई गोरूलाई भन्सारको आवश्यक प्रक्रिया पुर्याएर गौशाला वा छाडा चौपाया केन्द्रमा व्यवस्थापन गरिने प्रहरीले जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
