देवदह महोत्सव

प्रकाश दुतराजले तताए देवदह

सेतोमसी
फाल्गुण ५, २०८० शनिवार

अ +
अ
अ -

देवदह । आठौं देवदह महोत्सवमा राष्ट्रिय कलाकारको प्रस्तुती हेर्न स्थानीयको भिड लागेको छ । शुक्रबार मेलाको प्रमुख कलाकारको रूपमा देवदह आएका कलाकार प्रकाश दुतराजको प्रस्तुतिमा देवदह झुम्यो ।

अन्य कलाकारको प्रस्तुतिपछि बेलुका ८ बजे स्टेज चढेका दुतराजले करिव एक घण्टा आफ्नो प्रस्तुति दिए । दिउसै देखि उनको प्रस्तुति हेर्न देवदह मण्डपमा भेला भएका देवदहवासी उनीसंगै गाए, उनीसंगै नाचे ।

देवदह मेलामा शुक्रबार सबैभन्दा ठुलो संख्यामा दर्शकको उपस्थित रहेको महोत्सव मूल आयोजक समिति संयोजक हरि भण्डारीले बताए । मेलाका सांस्कृतिक उपसमिति संयोजक तेजु अर्यालले पनि अन्य दिनको तुलानामा मेलामा दर्शकको घुइंचो लागेको बताए ।

देवदह महोत्सवमा अन्य कलाकारको तुलानामा दुतराजले अत्यन्तै भद्र र शालीन ढंगले प्रस्तुति दिएको र झन्डै एक घण्टा देवदह तताएको मेला अवलोकनकर्ताले जनाएका छन् ।

महोत्सवमामा गायक दुतराजले रिमै, जुन माया लगायतका चर्चित गीत गाएका थिए ।

शनिबार र्यापर लाहुरे लगायतका कलाकारले सांस्कृतिक प्रस्तुति दिने आयोजकले जानेको छ ।