देवदह । रुपन्देहीको देवदहमा हुने प्रथम राष्ट्रपति रनिङ सिल्ड प्रतियोगिताको तयारी अन्तिम चरणमा पुगेको छ । मंगलबार नगरपालिकामा पत्रकार सम्मेलन गर्दै नगर प्रमुख ध्रुवप्रसाद खरेलले देवदह–७ मा स्थित देवदह माध्यमिक विद्यालयमा शुक्रबारदेखि हुने प्रतियोगिताको तयारी पुरा भएको बताए ।
प्रतियोगितामा देवदह नगरपालिकाभित्र संचालित २५ विद्यालयका ९९८ जना विद्यार्थी सहभागी हुने नगरपालिकाले जनाएको छ । नगरपालिकाका युवा, खेलकुद तथा शिक्षा शाखा प्रमुख टिकाराम शर्माले सामुदायिकतर्फ १५ र संस्थागततर्फ १० गरी २५ विद्यालयका ९९८ जना विद्यर्थी प्रतिस्पर्धामा सहभागी हुने बताए ।
प्रतियोगितामा छात्र/छात्रा भलिबल, कबड्डी तथा एथलेटिक्स गरी ३२ खेलमा प्रतिस्पर्धा हुने जनाइएको छ ।
प्रतियोगिताको व्यवस्थापन तथा निर्देशन समितिका संयोजक समेत रहेका नगर प्रमुख खरेलले नगरमा पहिलो पटक राष्ट्रपतिकप रनिङ सिल्ड प्रतियोगिता गर्न लागिएकाले सबैको सहयोग र समन्वय आवश्यक रहेको बताए ।
तीन दिनसम्म संचालन हुने प्रतियोगिता सम्पन्न गर्न १३ लाख ५० हजारको खर्च लाग्ने अनुमान गरिएको नगरपालिकाले जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
