देवदह-११ मा वृक्षारोपण

सेतोमसी
पौष २१, २०८० शनिवार

अ +
अ
अ -

धुर्ब लामिछाने, देवदह । रुपन्देहीको देवदह नगरपालिका वडा नं ११ शान्तिटोलस्थित क्रान्तिपथ-१ मा वृक्षारोपण कार्यक्रम सम्पन्न भएको छ । 'तपाईंको रहर हाम्रो रहर,‌ स्वच्छ र हरियाली गाउँ शहर' भन्ने मूल नाराका साथ शनिबार वृक्षारोपण कार्यक्रम सम्पन्न गरिएको वृक्षारोपण अभियान नेपालका सचिव बलबहादुर श्रेष्ठले जानकारी दिए ।

वृक्षारोपण अभियान नेपालले स्वामी, बर, पिपल, कपूर सहित ११३ वटा बिरुवा वृक्ष रोपण गरेको छ । यसअघि अभियानले ५५० सय बिरुवा हुर्काइसकेको जनाएको छ । अभियान चरणबद्ध रुपमा विभिन्न विद्यालय तथा सार्वजनिक स्थलहरूमा वृक्षारोपण गर्दै आइरहेको र शनिबार गरिएको वृक्षरोपण छैठौं भएको सचिव श्रेष्ठले सेतोमसीलाई बताए ।

वृक्षारोपण.jpeg

वृक्षारोपण कार्यक्रममा बोल्दै देवदह वडा नं ११ का अध्यक्ष दुधनाथ यादवले वृक्षरोपणका फाइदाबारे चर्चा गरे । उनले वृक्षारोपणकै कारण पनि टोल समाज नमुना बन्न सक्ने उल्लेख गर्दै वडाले गर्न सक्ने सहयोगको लागि आफू तयार रहेको बताए ।

कार्यक्रममा वडा नं ११ जनप्रतिनिधिहरू राजकुमार केवट, कौशिला हरिजन, सहदौनीया वनका अध्यक्ष पल्टन प्रसाद थारु, निरन रामदाम लगायत स्थानीयहरुको सहभागिता रहेको थियो ।