देवदह । मदन पुरस्कार प्राप्त उपन्यास ऐँठनबारे देवदहमा चर्चा हुने भएको छ । युगीन साहित्य समाज देवदहले बिहिबार पुस्तकका लेखक विवेक ओझाको उपस्थितिमै ऐँठनबारे परिचर्चा कार्यक्रम आयोजना गरेको हो ।
पुस्तक परिचर्चा कार्यक्रममा सहभागी हुन लेखक ओझा देवदह आउने र ऐँठनबारे खैरेनीस्थित पाठक फूडल्याण्डमा अन्तरक्रिया हुने युगीन साहित्य समाजका अध्यक्ष सुशील सापकोटाले जानकारी दिए । कार्यक्रममा प्रगतिशील लेखक तथा सर्जकहरू रामचन्द्र श्रेष्ठ, सरिता श्रीस र यज्ञ न्यौपानेले उपन्यास ऐँठनबारे टिप्पणी गर्ने आयोजकले जनाएको छ ।
ऐँठनमा दशबर्षे जनयुद्धको कथा उल्लेख गरिएको छ । एकजना युद्धबन्दीको मानसिक अवस्थाबारे लेखिएको उपन्यास ऐँठन २०७९ सालको मदन पुरस्कारबाट पुरस्कृत भएको कृति हो ।
लेखक ओझाद्वारा लिखित ऐँठन उनको तेस्रो कृति हो । यसअघि उनका ऐलानी (उपन्यास) र एक पाइला आकाशमा (गजलसङ्ग्रह) प्रकाशित छन् ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
