नयाँ दिल्ली । भारतीय क्रिकेट टोलीका कप्तान रोहित शर्माले जारी एकदिवसीय विश्वकप क्रिकेटमा उत्कृष्ट प्रदर्शन गरिरहेका छन् । भारतले आइतबार धर्मशालामा न्युजिल्याण्डविरुद्धको खेलमा रोहित शर्माले कीर्तिमान बनाएका छन् ।
रोहित एक क्यालेन्डर वर्षमा ५० ओडीआई छक्का प्रहार गर्ने पहिलो भारतीय खेलाडी बनेका छन् । अहिलेसम्म जम्मा तीन खेलाडीले यो गर्न सकेका छन् ।
रोहितभन्दा अगाडि दक्षिण अफ्रिकाका एबी डिभिलियर्स र वेस्ट इन्डिजका ब्याट्सम्यान क्रिस गेलले मात्र एक क्यालेन्डर वर्षमा ५० वा सोभन्दा बढी छक्का प्रहार गरेका छन् ।
रोहितले आइतबार दोस्रो ओभरमा न्यूजिल्याण्डका फास्ट बलर म्याट हेनरीलाई छक्का प्रहार गर्दै यो उपलब्धि हासिल गरेका हुन् । योसँगै रोहित शर्माको टोलीले धर्मशालामा भएको विश्वकप २०२३ को खेलमा न्युजिल्याण्डलाई चार विकेटले पराजित गरेको थियो । भारतले २० वर्षपछि आईसीसी प्रतियोगितामा न्युजिल्यान्डलाई पराजित गरेको छ ।
यस प्रतियोगितामा भारतीय टोलीको यो लगातार पाँचौं जित थियो। योसँगै भारत अंक तालिकाको शीर्ष स्थानमा पुगेको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)