२० दमकल, सेना र प्रहरीको रातभरको प्रयासले भैरहवाको आगलागी नियन्त्रणमा, ५ करोडको क्षती

सेतोमसी सहकर्मी

२० दमकल, सेना र प्रहरीको रातभरको प्रयासले भैरहवाको आगलागी नियन्त्रणमा, ५ करोडको क्षती

अ +
अ
अ -

ज्ञानेश्वर उपाध्याय, भैरहवा । रुपन्देहीको भैरहवास्थित एक प्रतिष्ठित फोटो फ्रेमिङ्ग पसलमा आगो लागी हुदा ५ करोडको छती भएको छ । सिद्धार्थनगर नगरपालिका–८ नारायण पथमा भएको उक्त आगलागी दमकल, नेपाली सेना, नेपाल प्रहरी र स्थानीयको रातभरको प्रयास पछि नियन्त्रणमा आएको छ । तर, पूर्ण रुपमा आगो निभेको भने छैन ।

नारायण पथमा रहेको सुन्दर ग्लास हाउसमा शनिबार राति सवा नौ बजेदेखि आगो लागेको थियो । रातभर नियन्त्रणमा नआएको आगो आइतबार बिहान ५ बजे नियन्त्रणमा आएपनि अहिले आगो निभाउने काम भइरहेको छ ।

आगो नियन्त्रणका लागि २० भन्दा बढी दमकलको प्रयोग भएको छ भने शसस्त्र प्रहरी , नेपाली सेना र स्थानीयको सहभागिता रहेको छ । जिल्लाका भैरहवा, बुटवल, तिलोत्तमा, सैनामैना, लुम्बिनी, भैरहवा बिमानस्थल, नेपाल आयल निगममा रहेका दमकलका साथै छिमेकी जिल्लाहरु परासी, कपिलवस्तु र सुनवल नगरपालिका लगाएतका दमकलहरु सहभागी छन् ।

आगलागीबाट दुई तल्ले घर ध्वस्त भएको छ । प्लाइबोर्डको ठूलो गोदाम रहेको घरमा विद्युत सर्किट सर्ट भएर आगोलागी हुँदा सबै प्लाइबोर्ड नष्ट भएको छ । माथिल्लो तल्लामा सोही पसलधनीको परिवार बस्दै आएकोमा निजहरुको सकुशल उद्धार गरिएको थियो । घरमै रहेको नगद, मोटरसाइल, लगाएत गरि करिब ५ करोड बढी को क्षति भएको घरधनी सुन्दर अग्रहरीले जानकारी दिए ।